Last updated on August 3rd, 2023 at 08:27 pm
ಧಾರವಾಡ: ಮುಸ್ಲಿಂ ಪೊಂಜೊವುನಕ್ಲೆ ಲೆಕ ಬುರ್ಖಾ ಪಾಡೊಂದಿನ ಆಂಜೊವು ಒರ್ಯನ್ ಸಾರ್ವಜನಿಕೆರ್ ಪತ್ತಿನ ನಡಕೆ ಧಾರವಾಡದ ಕುಂದಗೋಳ ತಾಲೂಕ್‌ದ ಸಂಶಿ ಬಸ್ ಉಂತಡೆಡ್ ಇನಿ ಕಾಂಡೆ ನಡತ್‌ದ್ಂಡ್.
ಇನಿ ಕಾಂಡೆ ಸಂಶಿ ಬಸ್ ಉಂತಡೆಡ್ ಅನುಮಾನಾಸ್ಪದವಾದ್ ತಿರ್ಗೊಂದಿತ್ತಿನ ಜನತ ಮಿತ್ತ್ ಸಂಶಯ ಬತ್ತ್‌ದ್ ಬಸ್ ಪ್ರಾಯಾಣಿಕೆರ್ ಬೊಕ್ಕ ಗ್ರಾಮಸ್ಥೆರ್ ಒತ್ತಾಯೊಡು ಬುರ್ಖಾ ದೆಪ್ಪಾನಗ ಸತ್ಯಾಂಶ ತೆರಿದ್‌ಬೈದ್ಂಡ್. ಸಾರ್ವಜನಿಕೆರ್ ಪ್ರಶ್ನೆ ಮನ್ಪೆರ ಸುರುಪತ್ತಿನೇ ಬುರ್ಖಾ ಪಾಡೊಂದಿತ್ತಿನಾಯೆ ಆಯೆ ಆದೇ ಯಾನ್ ನಟ್ಟೆರ ಬೈದಿನಾಯೆ, ಎನ್ನ ಪುದರ್ ವೀರಭದ್ರಯ್ಯ ನಿಂಗಯ್ಯ ಮಠಪತಿ, ವಿಜಯಪುರ ಜಿಲ್ಲೆದ ಸಿಂದಗಿ ತಾಲೂಕ್‌ದ ಘೋಡಗೋರಿ ಎನ್ನ ಊರ್ ಪಂದ್ ಪನೊಂದೆ.
ಥೇಟ್ ಪೊಂಜೊವುನಕ್ಲೆ ಲೆಕ ಬುರ್ಖಾ, ಜೋಡು ಪಾಡೊಂದಿತ್ತಿನ ಈ ಜನ ಶಕ್ತಿ ಯೋಜನೆದ ಅಡಿಟ್ ದರ್ಮೊಗು ಬಸ್‌ಡ್ ತಿರ್ಗೆರ ಇಂಚ ಮಲ್ತಿಪ್ಪೊಡು ಪಂದ್ ಜನ ಪಾತೆರೊಂದಿತ್ತೆರ್. ಈ ಜನಟ ಮುಸ್ಲಿಂ ಪೊಂಜೊವು ಒರ್ತಿನ ಆಧಾರ್ ಕಾರ್ಡ್‌ದ ಜೆರಾಕ್ಸ್ ತಿಕ್ಕ್‌ದಿನ ಈ ಸಂಶಯೊನು ಬೊಕಲಾ ಗಟ್ಟಿ ಮಲ್ದ್ಂಡ್.
ಈ ಜನ ಬೆಂಗ್ಳೂರ್ ಸಾದಿಡೆ ಆದ್ ಹುಬ್ಬಳ್ಳಿರ್ದ್ ಸಂಶಿಗ್ ಬೈದೆ ಪಂದ್ ತೆರಿದ್‌ಬೈದ್ಂಡ್.