ರಡ್ಡ್ ದಿನೊಟು ದೇಶೊಡು ರಡ್ಡ್ ರಡ್ಡ್ ಭೂಕಂಪ: ಬಡಕಾಯಿ ಜಮ್ಮು ಕಾಶ್ಮೀರ, ತೆಂಕಾಯಿ ಅಂಡಮಾನ್‌ಡ್ ಕುಂಬರಿನ ಭೂಮಿ

Last updated on August 3rd, 2023 at 08:26 pm

ಜಮ್ಮು ಬೊಕ್ಕ ಕಾಶ್ಮೀರೊದ ದೋಡಾಡ್ ಇನಿ ಕಾಂಡೆ 4.9 ರಿಕ್ಟರ್ಸ್‌ದಾತ್ ಜೋರುದ ಭೂಕಂಪ ಉಂಡಾತ್ಂಡ್ ಪಂದ್ ರಾಷ್ಟ್ರೀಯ ಭೂಕಂಪಶಾಸ್ತ್ರ ಕೇಂದ್ರ (ಎನ್‌ಸಿಎಸ್) ತೆರಿಪಾದ್ಂಡ್. ಈ ಭೂಕಂಪ ಕಾಂಡೆ ಸುಮಾರ್ 5:38 (IST) ಗ್ ಆತ್ಂಡ್, ಅವೆತ ಗಂತ್ 10 ಕಿಮೀ ಇತ್ತ್ಂಡ್.

ಅವೆರ್ದ್ ದುಂಬು, ಕೋಡೆ ರಾತ್ರೆ ಭಾರತೊದ ಅಂಡಮಾನ್ ಬೊಕ್ಕ ನಿಕೋಬಾರ್ ಕುದುರುಲೆಡ್ 5.3 ದಾತ್ ಜೋರುದ ಕುಡೊಂಜಿ ಭೂಕಂಪ ಆತ್ಂಡ್. ಈ ಭೂಕಂಪ ಬಯ್ಯಡ್ ಅಂದಾಜಿ 7:39 (IST) ಗ್ ಆತ್ಂಡ್ ಅಂಚೆನೇ 70 ಕಿಮೀ ದ ಗಂತ್ ಇತ್ತ್ಂಡ್.

ಭಾರತೊಡು ಮಾತ್ರ ಅತ್ತಂದೆ ಅಫ್ಘಾನಿಸ್ತಾನೊದ ಫೈಜಾಬಾದ್‌ಡ್ಲಾ ಕೋಡೆ ನಡೀರ್ 12:10ತ ಅಂದಾಜಿಗ್ ರಿಕ್ಟರ್ ಮಾಪಕೊಡು 4.4 ದಾತ್ ಜೋರುದ ಭೂಕಂಪ ಆತಿನ ತೂಪಾದ್ಂಡ್. ಜುಲೈ 7ಕ್ ಪಾಕಿಸ್ತಾನೊಡ್ಲಾ 4.3 ದಾತ್ ಜೋರುದ ಭೂಕಂಪ ಆದಿತ್ತ್ಂಡ್.

ತೆಂಕಾಯಿ ಏಷ್ಯಾಡ್ ಇಂಚಿಪ್ಪೊಗು ಎಚ್ಚಿನ ಭೂಕಂಪೊಲು ಆವೊಂದುಲ್ಲ. ಭೂಗರ್ಭ ಶಾಸ್ತ್ರಜ್ಞೆರ್ ಈ ಬಗೆಟ್ ಎಚ್ಚಿನ ಒಲವು ಒಟ್ಟು ಮಲ್ತೊಂದುಲ್ಲೆರ್.