Last updated on August 3rd, 2023 at 08:25 pm
ತುಳುನಾಡ್‌ದ ಪುಣ್ಯಕ್ಷೇತ್ರೊಲಾಯಿನ ಕುಕ್ಕೆ ಬೊಕ್ಕ ಕುಡುಮಗ್ ರೈಲ್‌ಡ್ ಪೋಪಿನಕಲೆಗ್ ಮಲ್ಲ ಸುದ್ದಿ ಒಂಜಿ ಉಂಡು. ಜುಲೈ 17ರ್ದ್ ಅನ್ವಯವ ಆಪುನಂಚ ಕುಡ್ಲ ಜಂಕ್ಷನ್-ಯಶವಂತಪುರ ಎಕ್ಸ್‌ಪ್ರೆಸ್ ರೈಲ್‌ದ ಪೊರ್ತುಪಟ್ಟಿನ್ ಅಪ್‌ಡೇಟ್ ಮಲ್ದ್ಂಡ್.
ತೆಂಕಪಡ್ಡಾಯಿ ರೈಲ್ವೆ ಈ ಬಗ್ಗೆ ಆದೇಶ ಕೊರ್ತ್ಂಡ್. ರೈಲ್ ನಂಬ್ರ 16540ದ ಪೊರ್ತುಪಟ್ಟಿನ್ ಅಪ್‌ಡೇಟ್ ಮಲ್ದೆರ್. ಈ ರೈಲ್ ಹಾಸನ, ಸಕಲೇಶಪುರ, ಚನ್ನರಾಯಪಟ್ಟಣ, ಶ್ರವಣಬೆಳಗೊಳ, ಯಡಿಯೂರು, ಕುಣಿಗಲ್, ನೆಲಮಂಗಲ ಕಿನ್ಯಬಣಾವರಡೆ ಆದ್ ಬೆಂಗ್ಳೂರ್ ಗ್ ಪೋಪುಂಡು. ಬೆಂಗ್ಳೂರ್ – ಕುಡ್ಲದ ನಡುಟು ಪೋಪಿನ ಬರ್ಪಿನಕ್ಲೆಗ್ ಮಲ್ಲ ಸಕಾಯ ಆದಿಪ್ಪುನ ಈ ರೈಲ್ ಬೆಂಗ್ಳೂರ್ ಬೊಕ್ಕ ತುಳುನಾಡ್‌ದ ನಡುತ ಒಂಜಿ ಕೊಂಡಿ ಇತ್ತಿಲೆಕ.
ಪೊಸ ಪೊರ್ತುಪಟ್ಟಿ; ತೆಂಕಪಡ್ಡಾಯಿ ರೈಲ್ವೆದ ಆದೇಶೊದ ಪೊಸ ಪೊರ್ತುಪಟ್ಟಿದ ಪ್ರಕಾರ ರೈಲ್ ನಂಬ್ರ 16540 ಕುಡ್ಲ ಜಂಕ್ಷನ್ರ್ದ್ ಕಾಂಡೆ 7 ಗಂಟೆಗ್ ಪಿದಡುಂಡು. ಬಯ್ಯ 4.30ಕ್ಕ್ ಯಶವಂತಪುರಕ್ ಎತ್ತುಂಡು. ಜುಲೈ 17ರ್ದ್ ಜಾರಿ ಆಪಿಲೆಕ ರೈಲ್‌ದ ಪೊರ್ತುಪಟ್ಟಿನ್ ಅಪ್‌ಡೇಟ್ ಮಲ್ದ್ಂಡ್.
ರೈಲ್ ಕಾಂಡೆ 7ಗಂಟೆಗ್ ಕುಡ್ಲ ಜಂಕ್ಷನ್ರ್ದ್ ಪಿದಡ್ದ್ ಬಂಟ್ವಾಳ (7.33 ರ್ದ್ 7.35), ಕಬಕ ಪುತ್ತೂರು (8.20 ರ್ದ್ 8.22), ಸುಬ್ರಮಣ್ಯ ರೋಡ್ (9 ರ್ದ್ 9.10)ಕ್ ಬರ್ಯೆರೆಗುಂಡು ಪಂದ್ ಪ್ರಕಟಣೆ ಪನ್ತ್ಂಡ್.
ಸುಬ್ರಹ್ಮಣ್ಯ ರೋಡ್‌ರ್ದ್ ಪಿದಡುನ ರೈಲ್ ಸಕಲೇಶಪುರ (11.30 ರ್ದ್ 11.40), ಹಾಸನ (12.40 ರ್ದ್ 12.45), ಚನ್ನರಾಯಪಟ್ಟಣ (1.10 ರ್ದ್ 1.11), ಶವಣಬೆಳಗೊಳ (1.22 ರ್ದ್ 1.23), ಬಿ. ಜಿ. ನಗರ (1.47 ರ್ದ್ 1.48) ಎತ್ತುಂಡು.
ಯಡಿಯೂರು (2.01 ರ್ದ್ 2.02), ಕುಣಿಗಲ್ (2.18 ರ್ದ್ 2.19), ನೆಲಮಂಗಲ (3 ರ್ದ್ 3.01), ಕಿನ್ಯಬಣಾವರ (3.44 ರ್ದ್ 3.45)ಕ್ ಎತ್ತುಂಡು. ಯಶವಂತಪುರ ಉಂತಡೆಗ್ 4.30ಕ್ಕ್ ಎತ್ತುಂಡು. ರೈಲ್ ಪ್ರಯಾಣಿಕೆರ್ ಈ ಪರಿಮಾರ್‌ಲೆನ್ ಗೇನೊಡು ದೀವೊಂದು ರೈಲ್ ಸೇವೆನ್ ಗಲಸೊಡುಂದ್ ಇಲಾಖೆ ಬಿನ್ನೈತೊಂದುಂಡು.