Last updated on August 3rd, 2023 at 08:21 pm
ಜವನ್ದಿನೊಟ್ಟುಗು ಬಸ್ಸ್‌ಡ್ ಬೊರ್ಚಂದಿನ ಲೆಕ ನಡತೊಂಡಿನ ಗ್ರಾ.ಪಂ ಪದುಕನ್ ಪೊಲೀಸೆರೆಗ್ ಒಪ್ಯಾಯಿನ ನಡಕೆ ಉಜಿರೆಡ್ ಕೋಡೆ, ಜುಲೈ 29 ದಾನಿ ಬಯ್ಯಡ್ ನಡತ್‌ದ್ಂಡ್.
ಮೂಡಿಗೆರೆತ ಜವನ್ದಿ ಒರ್ತಿ ಕುಡ್ಲರ್ದ್ ತನ್ನ ಊರ್ ಮೂಡಿಗೆರೆಕ್ ಕೆಎಸ್‌ಆರ್‌ಟಿಸಿ ಬಸ್ಸ್‌ಡ್ ಪೋವೊಂದಿತ್ತಿನ ಪೊರ್ತುಡು ಜವನ್ದಿನ ಬರಿಟೇ ಬತ್ತ್‌ದ್ ಕುಲ್ಲಿನ ಮಿತ್ತಬಾಕಿಲ್ ಗ್ರಾಮ ಪಂಚಾಯತ್ ಪದುಕೆ ಕಬೀರ್ ಪನ್ಪಿನಾಯೆ, ಬಸ್ ಮೊಡಂತ್ಯಾರ್ ಮುಟ್ಟ ಎತ್ತ್‌ನಗ ಪೊಣ್ಣನ ಮೈ ಮುಟ್ಟ್‌ದ್ ಪೊಣ್ಣನೊಟ್ಟುಗು ಬೊರ್ಚಂದಿನ ರಿತಿಟ್ ನಡತೊಂದೆ.
ಜವನ್ದಿ ವಿರೋಧಿತ್ಂಡಲಾ ಗೆನ್ಪಂದೆ ಕುಡ ಕುಡ ಮೈಮೂಟ್ಟೆರ ಪತ್ತ್‌ದೆ. ಈತಾಯಿನೇ ಪೊಣ್ಣು ತನ್ನ ಅಮ್ಮೆರೆಗ್ ಅಂಚೆನೇ ಉಜಿರೆಡ್ ತನ್ನ ಗುರ್ತೊದ ಜವನೆರೆಗ್ ವಿಷಯ ತೆಲರಿಪಾದಲ್. ಬಸ್ ಉಜಿರೆಗ್ ಎತ್ತಿನೇ ಜವನೆರ್ ಆರೋಪಿ ಕಬೀರ್‌ನ್ ಬಸ್ಸ್‌ರ್ದ್ ಜಪ್ಪುಡಾದ್ ಪೊಲೀಸೆರೆಗ್ ಒಪ್ಯಾದೆರ್. ಈ ಬಗ್ಗೆ ಜವನ್ದಿ ಕೊರ್ತಿನ ಒಯಿಲ್‌ದ ಪ್ರಕಾರ ಬೊಲ್ತೇರ್ ಸ್ಟೇಷನ್‌ಡ್ ಪ್ರಕರಣ ದಾಕಲಾತ್ಂಡ್.