Last updated on August 3rd, 2023 at 08:23 pm
ಬಾರೀ ಅಪರೂಪೊದ ಸ್ಪಾಟೆಡ್ ಮೋರೈ ಈಲ್ ಮೀನ್ ತೊರ್ತಲ್ ಬೀಚ್‌ಡ್ ಸೈದಿನ ಸ್ಥಿತಿಟ್ ತಿಕ್ಕ್‌ದ್ಂಡ್. ನಮ್ಮ ತುಳು ಭಾಷೆಡ್ ನೆನ್ನ್ ಮರಂಚಾ ಮೀನ್ ಪಂದ್ ಲೆಪ್ಪುವ. ಜಿಮ್ನೋಥೊರಾಕ್ಸ್ ಮೊರಿಂಗಾ ನೆತ್ತ ವೈಜ್ಞಾನಿಕ ಪುದರ್.
ಸುರು ತೂನಗ ಕಂದೊಡಿದ ಲೆಕ ತೋಜುನ ಈ ಮೀನ್‌ದ ಮೆಯಿನಿಲಿಕೆ ಕಪ್ಪು ರಂಗ್‌ದ ಚುಕ್ಕಿಲು ಇತ್ತ್‌ದ್, ಬಾರೀ ಪೊರ್ಲು ತೋಜುಂಡು. ಎಚ್ಚಾದ್ ಚೆನ್ನೆ ರಂಗ್‌ಡುಪ್ಪುನ ಈ ಮೀನ್ ಇಂಚ ಬೊಲ್ದು ರಂಗ್‌ಡ್ ಕಪ್ಪು ಚುಕ್ಕೆಡ್ ನಮ್ಮೈಟೆ ತಿಕ್ಕುನ ಅಪರೂಪೊಡು ಅಪರೂಪ.
ಈ ಮೀನ್ ಎಚ್ಚಾದ್ ಕುದುರುಲೆನ ಬರಿಟ್ ಹವಳೊಲೆನ ದಿಡ್ಡ್‌ಡ್ ಇಪ್ಪುನ. ಸೈದಿಮೀನ್ ಕಡಲ ಸಿರೆತೊಟ್ಟುಗು ಕರೆಬರಿ ಎತ್ತ್‌ದುಪ್ಪು ಪಂದ್ ಸಮುದ್ರ ಮೀನುಗಾರಿಕೆ ಸಂಶೋಧನಾ ಸಂಸ್ಥೆದ ಕುಡ್ಲ ಪ್ರಾದೇಶಿಕ ಕೇಂದ್ರ ವಿಜ್ಞಾನಿ ರಾಜೇಶ್ ಕೆ.ಎಂ. ತೆರಿಪಾಯೆರ್.