ಆಮ್ ಆದ್ಮಿ ಪಕ್ಷದ ಪೊಸ ರಾಜ್ಯ ಗುರ್ಕಾರೆ ಮುಖ್ಯಮಂತ್ರಿ ಚಂದ್ರು

Last updated on August 3rd, 2023 at 08:25 pm

ಪೊಸ ದೆಲ್ಲಿ ಬೊಕ್ಕ ಪಂಜಾಬ್‌ಡ್ ಅಧಿಕಾರೊಡು ಇಪ್ಪುನ ಆಮ್ ಆದ್ಮಿ ಪಕ್ಷ ಇತ್ತೆ ತೆನ್ಕಾಯಿ ಭಾರತೊದಂಚಿ ದಿಟ್ಟಿ ದೀತ್ಂಡ್. ವಿಧಾನಸಭಾ ವೋಟು ಮುಗಿದ್ ಲೋಕಸಭಾ ವೋಟು ಕೈತಲ್ ಬರ್ಪಿನ ಈ ಪೊರ್ತುಡು ಆಮ್ ಆದ್ಮಿ ಪಕ್ಷ, ತನ್ನ ಪಕ್ಷಗ್ ಪೊಸ ರಾಜ್ಯ ಗುರ್ಕಾರ್ಲೆನ್ ನೇಮಕ ಮಲ್ತೆರ್.

ಕನ್ನಡ ಸಿನೆಮಾ ರಂಗದ ಮಲ್ಲ ಕಲಾವಿದೆರ್, ರಾಜಕಾರಣಿ ಮುಖ್ಯಮಂತ್ರಿ ಚಂದ್ರು ಪಂದೇ ಪುದರಾತಿನ ಚಂದ್ರು ಆಮ್ ಆದ್ಮಿ ಪಕ್ಷದ ಕರ್ನಾಟಕ ರಾಜ್ಯೋದ ಪೊಸ ಗುರ್ಕಾರ್ಲಾತೆರ್, ದುಂಬುದ ಗುರ್ಕಾರ್ಲು ಪ್ರಿಥ್ವಿ ರೆಡ್ಡಿ ರಾಷ್ಟ್ರೀಯ ಪ್ರಧಾನ ಕಾರ್ಯಂತೆರ್ ಆದ್ ಬೇಲೆ ಮಲ್ಪರೆ ಉಲ್ಲೆರ್.