Last updated on August 3rd, 2023 at 08:25 pm
ಊರುಡು ಸೈತಿನಕಲೆನ್ ಪೊತ್ತಾವರೆ ಸಮಗಟ್ಟ್ ಮಸನದ ವ್ಯವಸ್ಥೆ ಉಪ್ಪಂದಿನೆತ್ತ ವಿರುದ್ದ, ಬೊಲ್ತೇರ್‌ದ ನೆರೆಯ ಗ್ರಾಮಸ್ಥೆರ್ ಪಿಸಿರಾತೆರ್. ಕೋಡೆ ಮದ್ಯಾಹ್ನ ಉಸಾರ್ ತತ್ತ್ 49 ವರ್ಸದ ಸಂಜೀವ ಗೌಡ ಪನ್ಪಿನಾರ್ ತೀರ್‌ದಿತ್ತೆರ್. ಅರೆನ ಪುನ ಪೆತ್ತಾವರೆ ಜಾಗೆ ತಿಕ್ಕಂದಿನ ತೂದು ಗ್ರಾಮಸ್ಥೆರ್ ಆಕ್ರೋಶ ಪಿದಯಿ ಪಾಡ್ದೆರ್.
ನೆರಿಯ ಗ್ರಾಮಪಂಚಾಯತಿದಕುಲು ಎಂಕ್ಲೆಗ್ ಹಿಂದೂ ರುದ್ರಭೂಮಿ ಮಲ್ದಿಜೆರ್ ಪನ್ದ್ ಸ್ಥಳೀಯೆರ್ ಪನೊಂದುಲ್ಲೆರ್. ತೀರಿನರೆನ ಪುನೊನು ಪಂಚಾಯತಿದ ಎದುರು ದೀದ್ ಇಲ್ಲದಕುಲು ಬೊಕ್ಕ ಊರುದಕುಲು ಪ್ರತಿಭಟನೆ ಮಲ್ತೆರ್. ಅಧಿಕಾರಿಲು ಪ್ರತಿಕ್ರಿಯೆ ಕೊರ್ಜೆರ್ಡ ಇತ್ತೆನೇ ಈ ಪಂಚಾಯತಿದ ಎದುರೇ ಪುನ ಪೊತ್ತಾವ ಪನ್ದ್ ಗ್ರಾಮಸ್ಥೆರ್ ಎಚ್ಚರ್ಗೆ ಕೊರ್ಪೆರ್. ತಹಶೀಲ್ದಾರ್ ಜಾಗೆಗ್ ಬತ್ತ್ ಅಕಲೆನ್ ಸಮಾಧಾನ ಮಲ್ಪುನ ವ್ಯವಸ್ಥೆ ಮಲ್ತೆರ್. ಅವೆಕ್ ಬಗ್ಗಂದಿನ ಜನಕುಲು ನನ ಏತ್ ವರ್ಸ ಬೋಡು ನಿಕಲೆಗ್ ಒಂಜಿ ಹಿಂದೂ ಸ್ಮಶಾನ ಮಲ್ಪರೆ? ನಿಕಲೆಗ್ ಮಲ್ಪರೆ ಆಯಿಜಿಡ ಪಂಚಾಯಿತ್ ತರ್ಕೋಲ್ ಪಾಡ್ಲೆ ಪನ್ದ್ ಪಾತೆರೊಗು ಪಾತೆರ ಗೋಡ್ಯಾಯೆರ್.