Last updated on August 3rd, 2023 at 08:26 pm
ಕರ್ನಾಟಕ ಸರಕಾರ ಈಯೋಡುದ ಪೊಸ ಬಜೆಟ್‌ನ್ ಇಂಚಪ್ಪೊಗು ಮಂಡನೆ ಮಲ್ದಿತ್ತ್ಂಡ್. ಈ ಪೊಸ ಬಜೆಟ್‌ದ ಪ್ರಕಾರ ಗಂಗಸರಗ್ 20% ತಿರ್ವೆ ಎಚ್ಚ ಆದಿತ್ತ್ಂಡ್. ಇತ್ತೆ ಒಡಿಪುಡು ಸರಕಾರದ ಈ ನಿರ್ಧಾರದ ವಿರುದ್ಧ ಪರ್ಪಿನಕುಲು ತಿರ್ಗ್‌ದ್ ಬೂರ್ದೆರ್. ಗ್ಯಾರಂಟಿ ಯೋಚನೆಗ್ ಕಾಸ್ ಒಟ್ಟು ಮಲ್ಪುನು ಎಂಕುಲು, ಇತ್ತೆ ನಿಕುಲು ಗಂಗಸರಗ್ ಕಾಸ್ ಎಚ್ಚ ಮಲ್ದಿನವು ತಪ್ಪು ಪಂದ್ ಪಂಡೆರ್.
ಕೋಡೆ ಪಂಡ 11/07/23 ಕ್ಕ್ ಒಡಿಪುದ ಚಿತ್ತರಂಜನ್ ಸರ್ಕಲ್‌ಡ್ ಪರ್ಪುನಕ್ಲೆಗ್ ಸನ್ಮಾನ ಮಲ್ತ್, ಅಕ್ಲೆಗ್ ಆರತಿ ದೆರ್ತ್ ಸರಕಾರದ ವಿರುದ್ಧ ಪ್ರತಿಭಟನೆ ಮಲ್ತೆರ್. ಎಂಕ್ಲೆಗ್ ಕಾಂಡೆ ಬಯ್ಯ ನೈಂಟಿ ಕೊರ್ಲೆ, ಇಜ್ಜಿಡ ಗಂಗಸರನ್ ಉಂತಾಲೆ, ಎಂಕ್ಲೆನ ಬುಡೆದಿ ಜೋಕುಲೆನ್ ಎಂಕುಲೇ ಎಂಕ್ಲೆನ ಕಾಸ್‌ಡ್ ದೇವಲ್ಯ ತಿರ್ಗಾವ ಪಂದ್ ಪರ್ಪುನಕುಲು ತೆರಿಪಾಯೆರ್. ಪ್ರತಿಭಟನೆ ಮಲ್ದಿನಕುಲು ಪಾತೆರ್ದ್ ಎಂಕ್ಲೆನಲ್ಪ ದಿನ ಸಂಬಳನ್ ನಂಬುದು ಬದ್‌ಕ್ ದೆಪ್ಪುನಕುಲು ದಿಂಜ ಉಲ್ಲೆರ್, ಗಂಗಸರಗ್ ಕಾಸ್ ಎಚ್ಚ ಮಲ್ದಿನೆರ್ದ್ ಅಕ್ಲೆನ ಜೀವನಗ್ ಮಲ್ಲ ಪೆಟ್ಟ್ ಪಂದ್ ಪಂಡೆರ್.