Last updated on August 3rd, 2023 at 08:22 pm
2022ತ್ತ ಜುಲೈ 26, ರಾತ್ರೆ 8-30ಗ್ ಬೇರ ಅಗತ್ ಅಂಗಡಿದ ಬಾಕಿಲ್ ಪಾಡ್‌ದ್ ಇಲ್ಲಗ್ ಪೋವರೆ ಪಿದಡಿನ ಪ್ರವೀಣ್ ನೆಟ್ಟಾರ್‌ನ ಮಿತ್ತ್ ದುಷ್ಕರ್ಮಿಲು ಆಕ್ರಮಣ ಮಲ್ತ್ ಅರೆನ್ ಕೆರಿಯೆರ್. ಮನದಾನಿ ಪ್ರವೀಣೆರೆನ ಪುನ ಪುತ್ತೂರುರ್ದ್ ಬೆಳ್ಳಾರೆಗ್ ಬತ್ತ್ಂಡ್, ಸಾರ ಸಾರ ಜನಕುಲು ಒಂಜಾಯೆರ್. ಜನಕ್ಲೆನ ಪಿಸಿರ್ ಅಂಬರೊ ಏರ್ದಿತ್ತ್ಂಡ್. ಬಿಜೆಪಿದ ರಾಜ್ಯಾಧ್ಯಕ್ಷೆ ನಳೀನೆರೆನ ಕಾರ್‌ನ್ ಕಂಕನೆ ಮರಂಕನೆ ಮಲ್ಪರೆ ತೂಯೆರ್. ಬೊಕ್ಕ ಪ್ರವೀಣೆರೆನ ಇಲ್ಲಗ್ ಅಪಗದ ಮುಖ್ಯಮಂತ್ರಿ ಬೊಮ್ಮಾಯಿಲಾ ಬತ್ತ್ ಅಪರಾಧಿಲೆನ್ ಬೇಗ ಪತ್ತುನ ಪಾತೆರ ಕೊರಿಯೆರ್.
ಪಿದಯಿ ರಾಜ್ಯದಕುಲುಲಾ ಉಂದೆಟ್ ಉಪ್ಪುನೆರ್ದಾವರ ರಾಜ್ಯಸರಕಾರ ಈ ಪ್ರಕರಣೊನು ಎನ್ಐಎಗ್ ಕೊರುಂಡು. ಎನ್ಐಎ 21 ಜನತ ಮಿತ್ತ್ ಆರೋಪ ಪಟ್ಟಿ ಕೊರುಂಡು. ಉಂದೆಟ್ 8 ಜನ ಆರೋಪಿಲು ನನಲ ತಿಕ್ಕ್‌ದ್‌ಜೆರ್. ಉಂದೆರ್ದ್ ಬೊಕ್ಕ ಕೇಂದ್ರ ಸರಕಾರ ಪಿಎಫ್ಐ ಬೊಕ್ಕ ಅವೆತ ಅಂಗ ಸಂಸ್ಥೆಲೆನ್ ನಿಷೇಧಲಾ ಮಲ್ದಿತ್ತ್ಂಡ್.