Last updated on August 3rd, 2023 at 08:26 pm
ಕರ್ನಾಟಕ ಸರಕಾರದ ಶಕ್ತಿ ಯೋಜನೆಡ್ ಪೊಂಜುವುಲೆಗ್ ಫ್ರೀ ಟಿಕೆಟ್ ಕೊರ್ದು, ಈ ಯೋಜನೆ ಭಯಂಕರ ಯಶಸ್ವಿ ಆತಿನ ಬೆರಿಕೇ ಇತ್ತೆ ಕುಡ್ಲ, ಒಡಿಪುಡು ಪೊಸ ಸರಕಾರಿ ಬಸ್‌ಲು ಬೋಡು ಪನ್ಪಿನ ಬಿನ್ನಪು ದಿಂಜ ಆತ್ಂಡ್.
ಕೋವಿಡ್‌ದ ಪೊರ್ತುಡು ಕೆಲವು ರೂಟುಲೆಗ್ ಬಸ್ ಉಂತಾದಿನವು ಕೋವಿಡ್ ಅಗತ್‌ಡಂಲ ನನಲ ಸುರು ಆತಿಜಿ. ಕೆಲವು ರೂಟುಲೆಡ್ ಮಸ್ತ್ ಬಸ್ ಪೋವೊಂದಿತ್ತಿನೆನ್ಲಾ ಇತ್ತೆ ಒಂತೆಗ್ ಕನದೆರ್. ಉಂದೆನ್ ಪೂರಾ ಕುಡ ಸುರು ಮಲ್ಪರೆ ಸಾರ್ವಜನಿಕೆರ್ ಆಗ್ರಹೊ ಮಲ್ತೊಂದುಲ್ಲೆರ್. ಒಡಿಪುದ 7 ರೂಟುಲೆಡ್ ಅಂಚೆನೆ ಕುಡ್ಲದ 13 ರೂಟುಲೆಡ್ ಬಸ್ ಸೇವೆ ಉಂತುದುಂಡು. ಉಂದೆಕ್ ಪಿರ ಬಸ್ ಸುರು ಮಲ್ಪೊಡು ಪನ್ದ್ ಸಾರ್ವಜನಿಕೆರ್ ಸಾರಿಗೆ ಇಲಾಖೆದ ವಿಭಾಗೀಯ ಅಧಿಕಾರಿಲೆಗ್ ಮನವಿ ಕೊರ್ತೆರ್.