Last updated on August 3rd, 2023 at 08:26 pm
ಲೋಕೊದ ಮಾತ ಕೇನ್ಪುಲೆಗ್ ತಾತ್ವಿಕವಾಯಿನ ಸದುಕುಲಿಪ್ಪುನ ಭಗವದ್ಗೀತೆ ಈತ್‌ನೇಟ ಅವೇತೋ ಭಾಷೆಲೆಗ್ ತರ್ಜುಮೆ ಆತ್ಂಡ್. ನಮ್ಮ ತುಳುಭಾಷೆಡ್ಲಾ ಭಗವದ್ಗೀತೆದ ತರ್ಜುಮೆಲು ಉಲ್ಲ. ಕಡೀರ್ದ ತುಳು ಭಗವದ್ಗೀತೆನ್ ಮುಲ್ಕಿ ನರಸಿಂಗರಾಯೆರ್ ‘ಗೀತೆ ಮಲ್ಲಿಗೆ’ ಇನ್ಪಿ ಪುದರ್‌ಡ್ ಮಲ್ದಿತ್ತೆರ್. ಆಂಡ ತುಳು ಭಾಷೆದ ಭಗವದ್ಗೀತೆನ್ ತುಳು ಲಿಪಿಟೇ ಈತ್‌ನೇಟ ಏರ್ಲಾ ಮಲ್ದಿಜ್ಜಂಡ್.
ಕೊಡೆಂಕಿರಿ ಶ್ರೀ ದೀಪಕ್ ನೆಲ್ಲಿತ್ತಾಯೆರೆನ ಬೊಡೆದಿ ಶ್ರೀಮತಿ ಅಪರ್ಣಾ ಕೊಡೆಂಕಿರಿ ಮೇರ್ ಕರಿನ ಮೂಜಿ ವರ್ಸೊರ್ದಿಂಚಿ ಭಗವದ್ಗೀತೆನ್ ತುಳು ಭಾಷೆಗ್ ತರ್ಜುಮೆ ಮಲ್ತ್ ದ್, ಇತ್ತೆ ಅವೆನ್ ತುಳು ಲಿಪಿಟ್ಲಾ ಅಚ್ಚಿ ಮನ್ಪಾದ್ ‘ಭಗವದ್ಗೀತೆ’ ಇನ್ಪಿ ಪುದರ್‌ಡ್ ಲೋಕಾರ್ಪಣೆ ಮಲ್ತೊಂದುಲ್ಲೆರ್.
ಇನಿ ಜುಲೈ 10, 2023ನೇ ಸೋಮಾರ ಬಯ್ಯಡ್ 4:30 ಗಂಟೆಗ್ ಕುಕ್ಕೆದ ಶ್ರೀ ಸುಬ್ರಹ್ಮಣ್ಯ ಮಠೊಟು ಪರಮಪೂಜ್ಯ ಶ್ರೀ ಶ್ರೀ ವಿದ್ಯಾಪ್ರಸನ್ನ ಶ್ರೀಪಾದೆರೆನ ಸಾನಿಧ್ಯೊದ ಲೋಕಾರ್ಪಣಾ ಲೇಸ್‌ಡ್ ಈ ಮಸ್ತಿರೆ ಬುಡುಗಡೆ ಆವರೆಗುಂಡು. ಪುದರ್‌ಪೋತಿನ ವಾಗ್ಮಿ ಶ್ರೀ ಲಕ್ಷ್ಮೀಶ ತೋಳ್ಪಾಡಿಯೆರ್ ಅಂಚೆನೇ ವೇದವ್ಯಾಸ ಸಂಶೋಧನಾ ಕೇಂದ್ರೊದ ನಿರ್ದೇಶಕೆರಾಯಿನ ಶ್ರೀ ಡಾ ಸಗ್ರಿ ಆನಂದತೀರ್ಥೆರ್ ಈ ಲೇಸ್‌ದ ಮಲ್ಲಬಿನ್ನೆರಾದ್ ಬರ್ರೆಗುಲ್ಲೆರ್.
ಈ ಲೇಸ್‌ಡ್ ಶ್ರೀಮತಿ ಆಶಾ ರಾಧಾಕೃಷ್ಣ ಬೊಕ್ಕ ವಿದುಷಿ ಶ್ರೀಮತಿ ಅಪರ್ಣಾ ಕೊಡೆಂಕಿರಿ ಮೊಕಲೆನ ನೃತ್ಯ ಸಮರ್ಪಣೆಲಾ ನಡಪರೆಗುಂಡು.