Last updated on August 3rd, 2023 at 08:21 pm
ಒಂಜಿ ವಿಶಿಷ್ಟ ಕತೆ ಉಪ್ಪುನ, ತುಳುನಾಡ್‌ದ ಜಮೀನ್ದಾರಿಕೆ ಪೊರ್ತುದ ಸಾಮಾಜಿಕ ಪರಿಸ್ಥಿತಿಲೆನ್ ತೂಪಾವುನ ತುಳು ಪಿಚ್ಚರ್ “ಕೊರಮ್ಮ” ಆಗಸ್ಟ್ 11ಕ್ಕ್ ಬುಡುಗಡೆ ಆವರೆ ಉಂಡು.
ತುಳುಟು ಎಡ್ಡೆ ಪಿಚ್ಚರುಲು ಬರ್ಪುಜಿ, ಕಾಲಿ ಕಾಮಿಡಿ ಮಾತ್ರ ಕತೆ ಇಜ್ಜಿ ಪನ್ದ್ ಪನ್ಪಿನ ಅಪವಾದೊಲು ಉಲ್ಲ ಅವೆಕ್ ಸದು ಪನ್ಪಿಲೆಕ್ಕ ಈ ಪಿಚ್ಚರ್ದ ಕತೆ ಉಂಡು. ತುಳಿವೆರ್ ಬರಿತಿಲ್ಲದ ಬೇತೆ ಬಾಸೆಲೆನ ಪಿಚ್ಚರ್ಲೆಗ್ ಬೋಡಾಯಿನ ಪ್ರಮೋಶನ್, ಬೆರಿಬಲ ಕೊರ್ಪೆರ್ ಅಂಚೆನೆ ತುಳುಟ್ಲಾ ಒಂಜಿ ಎಡ್ಡೆ ಪಿಚ್ಚರ್ ಬನ್ನಗ ಕೊರೊಡು.
ಈ ಪಿಚ್ಚರ್ ಗ್ ಶಿವಧ್ವಜ್ ಶೆಟ್ಟಿ ಮೇರ್ ಬರೆದ್ ನಿರ್ದೇಶನ ಮಲ್ದೆರ್. ಈಶ್ವರೀದಾಸ್ ಶೆಟ್ಟಿ ಬೊಕ್ಕ ರಾಜೇಶ್ವರಿ ರೈ ನಿರ್ಮಾಣ ಮಲ್ದೆರ್. ಪಡ್ಡಾಯಿ ಪಿಚ್ಚರ್ದ ಪಾತ್ರದಾರಿಲಾಯಿನ ಮೋಹನ್ ಶೇಣಿ ಬೊಕ್ಕ ಬಿಂದು ರಕ್ಷಿದಿ, ಗುರು ಹೆಗಡೆ, ರೂಪಾ ವರ್ಕಾಡಿ ಮೊಕುಲು ಪೂರ ಬೊಳ್ಳಿಕೂಪೆಡುಲ್ಲೆರ್.