Last updated on August 3rd, 2023 at 08:28 pm
ತಿರುಪತಿ ಮುಟ್ಟದ ಅರ್ಬಿ (ಜಲಪಾತ) ಒಂಜೆಕ್ ಶುಕ್ರವಾರ ತಿರ್ಗೆರ ಪೋತಿನ ಕುಡ್ಲದ ಜವನೆ ಒರಿ ಅರ್ಬಿಗ್ ಲಾಗಿದ್ ಮಿತ್ತ್ ಬರ್ಯೆರಾವಂದೆ ತೀರ್‌ದೆ. ಕುಳಾಯಿ ಹೊನ್ನೆಕಟ್ಟೆ ನಿವಾಸಿ ಸುಮಂತ್‌ ಅಮೀನ್‌ (23) ತೀರ್ದಿನ ಜವನೆ.
ಸುಮಂತ್‌ ಚೆನ್ನೈದ ಪ್ರತಿಷ್ಠಿತ ರಾಜೀವ ಗಾಂಧಿ ಯುನಿವರ್ಸಿಟಿಡ್ ಎಂಎಸ್ಸಿ ಕಲ್ತೊಂದಿತ್ತೆರ್. ಶುಕ್ರವಾರ ಅಮ್ಮೆರೆಡ ತಿರುಪತಿಗ್ ಪೋದು ಬರ್ಪೆ ಪಂದ್ ತೆರಿಪಾದಿತ್ತೆರ್. ಮಧ್ಯಾಹ್ನ 2.30ತ ಪೊರ್ತುಗು ತಿರುಪತಿರ್ದ್ 60 ಕಿ.ಮೀ. ದೂರೊದ ತಲಕೋನ ಫಾಲ್ಸ್‌ಗ್ ತನ್ನ ಪಸಾಡಿಲೆನೊಟ್ಟು ಮೀಯೊಂದು ಗೊಬ್ಬೊಂದುಪ್ಪುನಗ ಪೊರ್ತುಡು ಬಂಡೆಕಲ್ಲ್‌ರ್ದ್ 10 ಫೀಟ್ ತಿರಾತ್ ಲಾಗಿನಗ ನೀರ್ ಪೋಪಿ ತೂಂಬುಗು ಕಾರ್ ತಿಕಲೊಂದ್ಂಡ್. ನೆನ್ನ್ ತೂಯಿನ ಪಾಸಾಡಿಲು ತಿರ್ತ್ ಬತ್ತ್‌ದ್, ಸುಮಂತ್‌ನ್ ಮೀತ್ತ್ ದೆರ್ತ್ಂಡಲಾ ಜೂವ ಒರಿಪಾವರೆ ಆತಿಜಿ.
ಅಪಗನೇ ಇಲ್ಲದಕಲೆಗ್ ತೆರಿಪಾದ್, ಐತಾರ ಕಾಂಡೆ ಪುಣೊನು ಕುಳಾಯಿ ಹೊನ್ನೆಕಟ್ಟೆಡುಪ್ಪುನ ಇಲ್ಲಗ್ ಕನತ್‌ದ್ ಅಕೇರಿದ ಕ್ರಮ ಮಾತ ಕರಿತೆರ್.