Last updated on August 23rd, 2023 at 08:16 am
ರೈಲ್‌ಗಾಡಿಲೆನ ಮಿತ್ತ್ ಕಲ್ಲ್ ದಕ್ಕುನ ನಡಕೆಲು ಗಡಿಗಡಿ ನಡತೊಂದುಪ್ಪುನೆರ್ದಾವರ ಕಾಸ್ರೋಡ್ ಪೊಲೀಸೆರ್ ಜೋರುದ ಕ್ರಮೊಕು ಜತ್ತ್‌ದೆರ್. ಕೋಡೆ ಕಾಂಡೆರ್ದ್ ಪೊಲೀಸೆರ್ ಮಲ್ದಿನ ಜಡ್ತೆಡ್ 50 ಜನೊನು ವಶೊಕು ಗೆತೊಂದೆರ್.
ರೈಲು ಪಟ್ಟೆದಲ್ಪ ಸಂಶಯಾಸ್ಪದವಾದ್ ತೋಜಿದ್ ಬತ್ತಿನೆರ್ದಾವರ ಮೊಕಲೆನ್ ವಶೊಕು ದೆತೊಂದು ಒಲವು ಒಟ್ಟು ಮಲ್ತೊಂದುಲ್ಲೆರ್. ತಪ್ಪಿತಸ್ಥೆರೆನ ಮಿತ್ತ್ 10 ವರ್ಸೊದ ಕಠಿಣ ಶಿಕ್ಷೆ ಕೊರ್ಪುನ ಕೇಸ್ ಆಪುಂಡು. ರೈಲ್ವೇ ಪಟ್ಟೆನ್ ಕೇಂದ್ರೊಡು ದೀವೊಂದು ಪೊಲೀಸ್ ರೌಂಡ್ಸ್ ಅಂಚನೇ ಸಿಸಿಟಿವಿ ಕ್ಯಾಮರಾ ಪಾಡ್ದ್ಂಡ್. ರೈಲ್ವೇ ಪಟ್ಟೆದ ಬರಿತ ಇಲ್ಲ್‌ಲೆನ ಮಿತ್ತ್‌ಲಾ ಪೋಲೀಸೆರ್ ಕಣ್ಣ್ ದೀತೆರ್.
ರೈಲ್‌ಲೆಡ್ಲಾ ಎಚ್ಚಿನ ಪೊಲೀಸೆರೆನ್ ಉಂತಾದೆರ್. ಕಾಸ್ರೋಡ್-ಕಣ್ಣೂರ್ ನಡುಟು ಕರಿನ ಒಂಜಿ ತಿಂಗೊಲ್ದ ಉಲಯಿ ಪತ್ತೆರ್ದ್‌ಲಾ ಎಚ್ಚಿನ ಕಲ್ಲ್ ದಕ್ಕಿನ ನಡಕೆಲು ಅಂಚೆನೇ ಪಟ್ಟೆಡ್ ಕಲ್ಲ್ ಸೇರ್ದ್ ಬೇತೆ ಸೊತ್ತುಲು ತಿಕ್ಕಿನೇ ಪೊಲೀಸೆರ್ ಜೋರುದ ಕ್ರಮ ದೆತೊನೆರ ಜತ್ತ್‌ದೆರ್.