Last updated on August 18th, 2023 at 09:45 pm
ತುರ್ತ ಮರ್ದ್‌ಗಾದ್ ಸೀಕ್‌ದಾರೆನ್ ಲೆತೊಂದು ಪೋವೊಂದಿತ್ತಿನ ಆ್ಯಂಬ್ಯುಲೆನ್ಸ್ ಅಂಕೆ ತತ್ತ್‌ದ್ ಪಲ್ಟಿಯಾದ್, ಆ್ಯಂಬ್ಯುಲೆನ್ಸ್ ಡ್ರೈವರ್ ತೀರ್ದಿನ ನಡಕೆ ಇನಿ, ಆಗಸ್ಟ್ 18 ಗ್ ಬೊಲ್ತೇರ್‌ದ ವಗ್ಗದಲ್ಪ ನಡತ್‌ದ್ಂಡ್. ತೀರ್ದಿನಾರ್ ಮೊಡಂತ್ಯಾರ್ ಮಾಲಾಡಿ ನಿವಾಸಿ ಶಬೀರ್ ಪಂದ್ ತೆರಿದ್ ಬೈದ್ಂಡ್.
ಬೊಲ್ತೇರ್‌ರ್ದ್ ಕುಡ್ಲಗ್ ಮರ್ದ್‌ಗ್ ಬೋಡಾದ್ ಸೀಕ್‌ದಾರೆನ್ ತೂಫಾನ್ ಆ್ಯಂಬ್ಯುಲೆನ್ಸ್‌ಡ್ ಲೆತೊಂದು ಪೋವೊಂದುಪ್ಪುನ ಪೊರ್ತುಡು ವಗ್ಗಡ್ ಡ್ರೈವರ್ ಅಂಕೆ ತತ್ತ್‌ದ್ ಆ್ಯಂಬ್ಯುಲೆನ್ಸ್ ಪಲ್ಟಿಯಾತ್ಂಡ್. ನಡಕೆದ ಪರಿಣಾಮೊಡು ಆ್ಯಂಬ್ಯುಲೆನ್ಸ್ ಡ್ರೈವರ್ ಶಬೀರ್‌ಗ್ ಗಾತಿದ ಗಡಿಕುಲಾದ್, ಆರೆನ್ ಅಪಗನೇ ಖಾಸಗಿ ಆಸ್ಪತ್ರೆಗ್ ಲೆತೊಂದುಪೋಂಡಲಾ ಮರ್ದ್‌ಗ್ ಸ್ಪಂದನೆ ಕೊರಂದೆ ತೀರ್ದೆರ್.
ಆ್ಯಂಬ್ಯುಲೆನ್ಸ್‌ಡ್ ಇತ್ತಿನ ಸೀಕ್‌ದಾರೆನ ಬಗ್ಗೆ ಒವ್ವೇ ಒಲವು ತಿಕ್ಕ್‌ದಿಜಿ.