Last updated on August 3rd, 2023 at 08:17 pm
2015ಟ್ಟ್ ಒಡಿಪು ಜಿಲ್ಲೆ ಆರೋಗ್ಯ ಸೂಚ್ಯಾಂಕೊಡು ನಂ.1 ಸ್ಥಾನೊಡು ಇತ್ತ್ಂಡ್. ಉ್ಂದು ಇತ್ತೆ 15ನೇ ಸ್ಥಾನೊಗು ಜತ್ತ್‌ದ್ಂಡ್. ಪೆದ್ದ್‌ನಗ ಪೊಣ್ಣು ಬೊಕ್ಕ ಬಾಲೆದ ಸಾವುದ ಪ್ರಮಾಣ ಒಡಿಪುಡು ಜಾಸ್ತಿ ಆವೊಂದುಂಡು ಪನ್ದ್ ಸಿ.ಎಂ ಸಿದ್ದರಾಮಯ್ಯೆರ್ ಅಧಿಕಾರಿಲೆನ ಮಿತ್ತ್ ಪಿಸಿರಾದ್, ಜಿಲ್ಲಾ ಆರೋಗ್ಯಾಧಿಕಾರಿಲೆಗ್ ಕ್ಲಾಸ್ ದೆತೊಂಡೆರ್.
ಎಡ್ಡೆ ವಿದ್ಯಾವಂತೆರ್ ಉಪ್ಪುನ ಜಿಲ್ಲೆದ ಆರೋಗ್ಯ ಸೂಚಾಂಕ ಈತ್ ತಿರ್ತ್ ಪೋವರೆ ನೆವನ ದಾದ ಪನ್ದ್ ಕೇನ್ದ್ ಒಡಿಪು ಜಿಲ್ಲೆನ್ ಕುಡ ಸುರುತ ಸ್ಥಾನೊಗು ಕನೊಡು, ಇಜಿಂಡ ಸೇವೆರ್ದ್ ಅಮಾನತ್ ಮಲ್ಪೊಡಾವು ಪನ್ದ್ ಎಚ್ಚರ್ಗೆ ಕೊರಿಯೆರ್. ಉ್ಂದೆತ ಬಗೆಟ್ ತೆರಿಯೊಂದು ಒಂಜಾರ ಮೊಕುಲು ಉಮೇದ್ ತೋಜಾವಂದೆ ಬೇಲೆ ಮಲ್ತಿಜೆರ್ಡ ದುಂಬು ಪಿರ ತೂವಂದೆ ಬೇಲೆರ್ದ್ ದೆತ್ತ್ ಪಾಡಿ ಪನ್ದ್ ಉಸ್ತುವಾರಿ ಸಚಿವೆದಿ ಲಕ್ಷ್ಮೀ ಹೆಬ್ಬಾಳ್ಕರ್‌ಗ್ ಪನ್ಡೆರ್.