Last updated on August 12th, 2023 at 08:54 am
11 ವರ್ಸದ ದುಂಬು ನಡತಿನ ಧರ್ಮಸ್ಥಳತ ಸೌಜನ್ಯನ್ ಅತ್ಯಾಚಾರ ಮಲ್ತ್ ಕೆರ್ತಿನ ಪ್ರಕರಣೊತ ನಿಜವಾಯಿನ ಆರೋಪಿಲೆನ್ ಪತ್ತೊಡು ಪನ್ಪಿನ ಆಕ್ರೋಶ ಮಾತಾ ಕಡೆಟ್ ಕೇನ್ದ್ ಬರೊಂದುಂಡು. ಈ ದಿಸೆಟ್ ಆಗಸ್ಟ್ 28ಗು ಪ್ರಕರಣದ ಪಿರಜಡ್ತೆ ಆವೊಡು ಪನ್ದ್ ಬೊಲ್ತೇರ್‌ಡ್ ಧರಣಿ ನಡಪರೆ ಉಂಡು.
ಈ ಬಗೆಟ್ ಪಾತೆರಿನ ಮಾಜಿ ಶಾಸಕೆ ವಸಂತ ಬಂಗೇರ ಮೇರ್, ಒವ್ವೇ ರಾಜಕೀಯ ಉದ್ದೇಶ ದಾಂತೆ ಪಾಪದ ಪೊಣ್ಣು ಮಗಲೆಗ್ ಒಂಜಿ ನ್ಯಾಯ ತಿಕ್ಕೊಡು ಪನ್ದ್ ಈ ಪ್ರತಿಭಟನೆ ನಡಪುಂಡು ಪನ್ದ್ ಪನ್ಡೆರ್. ಆಗಸ್ಟ್ 28ಗು ಬೊಲ್ತೇರ್‌ದ ಮಿನಿವಿಧಾನಸೌಧದಲ್ಪ ಬೆಳ್ತಂಗಡಿ ಚಲೋ ಧರಣಿ ನಡಪರೆ ಉಂಡು.
ಈ ಕಜ್ಜದ ಸಂಚಾಲಕೆರಾಯಿನ ಬಿ.ಎಂ.ಭಟ್ ಪಾತೆರ್ದ್ ನಿಜವಾಯಿನ ಆರೋಪಿ ಏರ್ ಪನ್ದ್ ನಾಡ್ ಪತ್ತೊಡು ಪನ್ಪಿನವು ಎಂಕ್ಲೆನ ಪೊರುಂಬಾಟದ ಉದ್ದೇಶ. ಉ್ಂದೆಟ್ ತುಳುನಾಡ್‌ದ ಮಾತಾ ಒಂಜೇ ಮನಸ್‌ದ ಸಂಘಟನೆಲು ಪಾಲ್ ಪಡೆಯರೆ ಉಲ್ಲೆರ್ ಪನ್ಡೆರ್.