ಮಂಗಳೂರು ವಿಶ್ವವಿದ್ಯಾಲಯದ ಮಂಗಳಗಂಗೋತ್ರಿಡ್ ಸ್ನಾತಕೋತ್ತರ ತುಳು ಅಧ್ಯಯನ ಬೊಕ್ಕ ಸಂಶೋಧನಾ ವಿಭಾಗ ಮಲ್ಪರೆ ಪ್ರಸ್ತಾಪ

Last updated on August 9th, 2023 at 09:24 am

ಮಂಗಳೂರು ವಿಶ್ವವಿದ್ಯಾಲಯದ ಅಕಾಡೆಮಿಕ್ ಕೌನ್ಸಿಲ್‌ದಕುಲು ವಿಶ್ವವಿದ್ಯಾಲಯದ ಕ್ಯಾಂಪಸ್‌ಡ್ ತುಳು ಅಧ್ಯಯನ ಬೊಕ್ಕ ಸಂಶೋಧನೆತ ಸ್ನಾತಕೋತ್ತರ ವಿಭಾಗೊನು ಮಲ್ಪರೆ ಕರಡ್ ಪಾಸ್ ಮಲ್ತೆರ್. ಸರಕಾರ ಉ್ಂದೆಕ್ ಒತ್ತೊನುಂಡ ಆಯಿನಾತ್ ಬೇಗ ನಮ ಕುಡ್ಲದ ಕ್ಯಾಂಪಸ್‌ಡ್ ತುಳು ವಿಭಾಗಲಾ ತೂವೊಲಿ.

ಮಂಗಳೂರು ವಿಶ್ವವಿದ್ಯಾಲಯದ ಇತ್ತೆದ ಉಪಕುಲಪತಿಲಾಯಿನ ಜಯಾನಂದ ಅಮೀನ್ ಪಾತೆರ್ದ್, ತುಳು ವಿಭಾಗ ಇತ್ತೆ ಅತ್ತ್ ಯಾಪೊನೇ ಆವೊಡಿತ್ತ್ಂಡ್. ಕಡೆಸ್ಂಡಲಾ ಮಲ್ಲೆಜ್ಜಿ ಕಡೆಕ್ಲಾ ತುಳುಕಾದ್ ಪ್ರತ್ಯೇಕ ಡಿಪಾರ್ಟ್‌ಮೆಂಟ್ ಮಲ್ಪುನ ನಿರ್ದಾರೊಗು ಎಂಕುಲು ಬತ್ತ ಪನ್ದ್ ಪನ್ಡೆರ್.

2018-19ರ್ದ್ ಕುಡ್ಲಡುಪ್ಪುನ ಯುನಿವರ್ಸಿಟಿ ಕಾಲೇಜಿಡ್ ತುಳು ಎಂ.ಎ ಕೋರ್ಸ್ ಆವೊಂದುಂಡು. 6ರ್ದ್ 10ನೇ ಮುಟ್ಟ ತುಳುನಾಡ್ ದ ಕೆಲವು ಶಾಲೆಲೆಡ್ ತುಳುನು ಮೂಜನೇ ಬಾಸೆಯಾದ್ 2010-11 ರ್ದ್ ಕಲ್ಪಾವೊಂದುಲ್ಲೆರ್. ಕರಡ್ ಡ್ ಪನ್ತಿನ ಲೆಕ್ಕೊಡು, ತುಳುಟು ಸ್ನಾತಕೋತ್ತರ ಪದವಿ ಮಲ್ತಿನೆರ್ದಾವರ ವಿಶ್ವವಿದ್ಯಾಲಯ ಮಟ್ಟೊಡು ತುಳುಕೊಂಜಿ ವಿಭಾಗ ಉಪ್ಪುನ ನ್ಯಾಯವಾದುಂಡು ಅಂಚಾದ್ ತುಳು ವಿಭಾಗ ಮಲ್ಪರೆ ವರದಿ ತಯಾರ್ ಮಲ್ದ್ಂಡ್ ಪನ್ದ್ ಉಂಡು.

ಸರಕಾರದ ಅನುಮತಿ ಉ್ಂದೆಕ್ ತಿಕ್ಕಿನೇ ತುಳು ಡಿಪಾರ್ಟ್‌ಮೆಂಟ್ ಆಪುಂಡು.