Last updated on August 21st, 2023 at 08:57 am
ಪುತ್ತೂರು: ಪುತ್ತೂರು, ಬಂಟ್ವಾಳ, ಬೊಲ್ತೇರ್ ಅಂಚೆನೇ ಸುಳ್ಯ ತಾಲೂಕ್‌ದ ಐಸ್ಕ್ರೀಮ್ ಕಂಪೆನಿಲೆನ ದನಿಕ್ಲೆನ ಸಭೆ ಕೋಡೆ, ಆಗಸ್ಟ್ 20 ದಾನಿ ಪುತ್ತೂರು ಸ್ವಾಗತ ಹೊಟೇಲ್‌ಧ ಸಭಾಂಗಣೊಡು ನಡತ್‌ದ್, ಐಸ್ಕ್ರೀಮ್ ಉತ್ಪನ್ನೊಲೆನ ಬಿಲೆ ಎಚ್ಚ ಮನ್ಪುನ ಬಗ್ಗೆ ಚರ್ಚೆ ಮಲ್ತ್‌ದ್ ನಿರ್ಣಯ ದೆತೊಂಡೆರ್. ಪೇರ್‌ದ ರೇಟ್ ಸೇರ್ದ್ ಬೇತೆ ಕಚ್ಚಾ ಸೊತ್ತುಲೆನ ಬಿಲೆ ಎಚ್ಚ ಆತಿನೆರ್ದಾವರ ಐಸ್ಕ್ರೀಮ್ ಕಂಪೆನಿಲು ಬಾರಿ ಬಂಙೊಗು ಬೂರ್ದೆರ್. ಅಂಚಾದ್ ಐಸ್ಕ್ರೀಮ್ ಉತ್ಪನ್ನೊಲೆ ಬಿಲೆ ಏರ್ಪುನ ಬಗ್ಗೆ ಚರ್ಚೆ ಮಲ್ತ್‌ದ್, ಮಾತೆರ್ಲಾ ಒತ್ತೊಂದು ನಿರ್ಧಾರ ದೆತೊಂಡೆರ್.
ಉಬಾರ್ ಫೇವರ್ಸ್ ಐಸ್‌ಕ್ರೀಮ್‌ದ ದನಿ ಸಚಿನ್ ಎ.ಎಸ್., ಉಜಿರೆದ ಸುಹನ ಐಸ್‌ಕ್ರೀಮ್‌ದ ದನಿ ಸತೀಶ್, ಬೊಲ್ತೇರ್ ಪ್ರಭಾ ಐಸ್‌ಕ್ರೀಮ್‌ದ ದನಿ ಪ್ರಭಾಚಂದ್ರ, ಪುತ್ತೂರು ಶಕ್ತಿ ಐಸ್‌ಕ್ರೀಮ್‌ದ ದನಿ ಕರುಣಾಕರ ರೈ, ಸುಳ್ಯ ನಾಯಕ್ಸ್ ಐಸ್‌ಕ್ರೀಮ್‌ದ ದನಿ ಚಂದ್ರಶೇಖರ್, ಪುತ್ತೂರು ಮಹಾಲಕ್ಷ್ಮಿ ಕೋಲ್ಡ್ ಹೌಸ್‌ದ ದನಿ ಪಿ.ಜಯಂತ ಭಂಡಾರಿ, ಸುಳ್ಯ ಸ್ವಾಗತ ಐಸ್‌ಕ್ರೀಮ್‌ದ ದನಿ ಪ್ರಭಾಕರನ್ ನಾಯರ್, ಸುಳ್ಯ ವಿನಯ್ ಐಸ್‌ಕ್ರೀಮ್‌ದ ದನಿ ರಾಜೇಶ್ ಕೆದಿಲಾಯ, ಪುತ್ತೂರು ಕೊಝಿ ಐಸ್‌ಕ್ರೀಮ್‌ದ ದನಿ ಕೆ.ದಿವಾಕರ ಸೇರ್ದ್ ಐಸ್‌ಕ್ರೀಮ್‌ದ ಕ್ಷೇತ್ರೊದ ಬೇತೆ ಬೇತೆ ಜನಕುಲು ಪಾತೆರ್ದ್ ಐಸ್ಕ್ರೀಮ್ ಮನ್ಪಿನಕುಲು ಬರೊಂದಿಪ್ಪುನ ಬಂಙೊಲೆನ ಬಗ್ಗೆ ಪಾತೆರ್ಯೆರ್.