Last updated on August 30th, 2023 at 04:46 pm
ಕರ್ನಾಟಕೊದ ಮದರಸೊಡು ನನ ಕನ್ನಡೊನು ಕಲ್ಪಾವೊಡು, ಬರ್ಪಿ ವರ್ಸ ಮಾತಾ ಕಡೆಟ್ಟ್ ಕನ್ನಡೊ ಕಲ್ಪಾವುನಲೆಕ ಆವೊಡು ಪಂದ್ ಕರ್ನಾಟಕ ಸರಕಾರೊದ ಒಕ್ಕೆಲ್ ಬೊಕ್ಕ ಅಲ್ಪಸಂಖ್ಯಾತೆರೆನ ಬುಲೆಚ್ಚಿಲ್‌ದ ಸಚಿವೆ ಜಮೀರ್ ಅಹಮದ್ ಖಾನ್ ಸೂಚನೆ ಕೊರ್ತೆರ್.
ಬೆಂಗ್ಳೂರ್‌ದ ಅಲ್ಪಸಂಖ್ಯಾತೆರೆನ ಕಲ್ಯಾಣ ನಿರ್ದೇಶನಾಲಯೊದ ಸಭಾಂಗಣೊಡು ಸೋಮಾರ ಅಲ್ಪಸಂಖ್ಯಾತೆರೆನ ಕಲ್ಯಾಣ ಇಲಾಖೆದ ಬೇಲೆಲೆನ ಪರಿಶೀಲನೆ ಮಲ್ತ್‌ದ್ ಪಾತೆರ್ನ ಆರ್, ಮದರಸೊಲೆಡ್ ಮುಖ್ಯವಾದ್ ಕನ್ನಡೊನು ಕಡ್ಡಾಯವಾದ್ ಕಲ್ಪವೊಡೇ. ಇಂಗ್ಲಿಷ್‌ ಸೇರ್ದ್ ಬೇತೆ ಭಾಷೆಲೆನ ಕಲ್ಪಟಿಗೆಗ್ ಅಂಚೆನೇ ಕೋರ್‌ ಸಬ್ಜೆಕ್ಟ್‌ಲಾಯಿನ ವಿಜ್ಞಾನ, ಗಣಿತ ವಿಷಯೊಲೆರ್ದ್‌ಲಾ ಪಲ್ಲಿಶಾಲೆದ ಜೋಕುಲು ಪಿದಯಿ ಒರಿಯೆರ ಬಲ್ಲಿ ಪಂದ್ ಇಲಾಖೆದ ಅಧಿಕಾರಿಲೆಗ್ ನಿರ್ದೇಶನ ಕೊರ್ತೆರ್.