Last updated on August 8th, 2023 at 05:44 pm
ಪುತ್ತೂರುದ ಬಂಗಾರ್‌ದ ಅಂಗಡಿಗ್ ಬೇರ ಮಲ್ಪರೆ ಬತ್ತಿಲೆಕ್ಕ ಬತ್ತ್ ಬಂಗಾರ್‌ದ ಚೈನ್ ಒಂಜೆನ್ ಲಕ್ಕಾದಿನ ನಡಕೆ ಆಗಸ್ಟ್ 7ಕ್ಕ್ ನಡದ್ಂಡ್.
ಸುಮಾರ್ 12 ಗಂಟೆದ ಪೊರ್ತುಗು ಪುತ್ತೂರುದ ಕೋರ್ಟ್ ರೋಡುಡುಪ್ಪುನ ಬಾಬಾ ಜ್ಯುವೆಲ್ಲರ್ಸ್ ಗ್ ಬುರ್ಕಾ ಪಾಡೊಂದು ಎಲ್ಯ ಬಾಲೆದೊಟ್ಟುಗು ಬತ್ತಿನ ಪೊಂಜೊವು ಒರ್ತಿ ಈ ಬೇಲೆ ಮಲ್ದೆರ್. ಬೇರ ಮಲ್ಪರೆ ಬತ್ತಿಲೆಕ್ಕ ಬತ್ತಿನ ಪೊಂಜೊವು 8 ಗ್ರಾಂ, 4 ಗ್ರಾಂದ ಚೈನ್ ತೂಪಾಲೆ ಪನ್ದ್ ಬೇತೆ ಬೇತೆ ಡಿಸೈನ್‌ದ ಚೈನ್ ಕೇಂಡೊಲು. ಒಂತೆ ಪೊರ್ತುಗು ಪೊಂಜೊವು ಬಾಲೆಗ್ ಮಿರೆ ಪೇರ್ ಕೊರ್ರೆ ಸುರು ಮಲ್ತ್ಂಡ್, ಅಪಗ ಕೌಂಟರ್‌ಡ್ ಇತ್ತಿನ ರಡ್ಡ್ ಆನುಲೆಡ್ ಒರಿ ಪಿದಯಿ ಬತ್ತೆ. ಕುಡೊರಿ ಅಲ್ಪನೇ ಇತ್ತೆ, ಅಪಗ ಪೊಂಜೊವು ಬ್ರಾಸ್ಲೆಟ್ ತೂಪಾವರೆ ಪನ್ಡೊಲು, ಅವೆಕ್ ಆನ್ ಬ್ರಾಸ್ಲೆಟ್ ದೆಪ್ಪರೆ ತಿರ್ಗ್‌ನಗ ಕೌಂಟರ್‌ಡ್ ಇತ್ತಿನ ಚೈನ್ ಒಂಜೆನ್ ರಪಕ್ಕ ಲಕ್ಕಾದ್ ಬ್ಲೌಸುದ ಉಲಯಿ ಪಾಡ್‌ದ್ ಅಲ್ಪೊರ್ದು ಪದ್ರಾಡ್ ಆತೊಲು. ಉ್ಂದು ಪೂರಾ ಸಿಸಿಟಿವಿಡ್ ರೆಕಾರ್ಡ್ ಆತ್ಂಡ್. ಈ ಬಗೆಟ್ ಪುತ್ತೂರುದ ಪೋಲೀಸ್ ಸ್ಟೇಷನ್‌ಡ್ ಒಯಿಲ್ ಕೊರಿಯರೆ ಅಂಗಡಿದಕುಲು ರೆಡಿ ಆತೆರ್.