Last updated on August 4th, 2023 at 07:20 am
ಪ್ರಧಾನಿ ಮೋದಿ ಬೊಕ್ಕ ರೈಲ್ವೇ ಮಂತ್ರಿ ಅಶ್ವಿನಿ ವೈಷ್ಣವ್ ಮೊಕುಲು ಕುಡ್ಲ ಜಂಕ್ಷನ್ ರೈಲ್ವೇ ಸ್ಟೇಷನ್‌ನ್ ಅಂತರಾಷ್ಟ್ರೀಯ ಮಟ್ಟೊಗು ಮಿತ್ತರ್ಜೆಗ್ ಕೊನೊಪಿನ ಬೇಲೆದ ಕೆಸರ್‌ಕಲ್ಲ್ ಆಗಸ್ಚ್ 6ಕ್ಕ್ ವೀಡಿಯೋ ಕಾನ್ಫರೆನ್ಸ್‌ಡ್ ಪಾಡರೆ ಉಲ್ಲೆರ್.
ಅಮೃತ ಭಾರತ ರೈಲ್ವೇ ಯೋಜನೆದ ಅಡಿಟ್ 19.32 ಕೋಟಿ ಕರ್ಚಿ ಮಲ್ತ್ ಈ ರೈಲ್ವೇ ಉಂತಡೆ ಆವೊಂದುಂಡು. ರೈಲ್ವೇ ಮಂತ್ರಾಲಯೊರ್ದು ಇತ್ತೆನೇ 10.5 ಕೋಟಿ ಪನವು ಬುಡುಗಡೆ ಆತ್ಂಡ್.
ಈ ಸಲತ ಕೇಂದ್ರ ಬಜೆಟ್‌ಡ್ ಕುಡ್ಲ ಸೆಂಟ್ರಲ್, ಬಂಟ್ವಾಳ ಅಂಚೆನೊ ಸುಬ್ರಹ್ಮಣ್ಯ ರೋಡು ಸ್ಟೇಷನ್‌ಲೆನ್ ಅಭಿವೃದ್ದಿ ಮಲ್ಪುನ ಉಲ್ಲೇಖ ಇತ್ತ್ಂಡ್. ಅಂಚೆನೆ ಕುಡ್ಲ ಜಂಕ್ಷನ್ ಉಂತಡೆನ್ಲಾ ಪತ್ತ ಬುಲೆಚ್ಚಿಲ್ ಮಲ್ತ್ ಪೊಸ ರೀತಿಡ್ ತುಳುನಾಡ್‌ಡ್ ಒಂಜಿ ಮೈಲಿಗಲ್ಲಾದ್ ಮಲ್ಪಾವ ಪನ್ದ್ ಕುಡ್ಲದ ಎಂ.ಪಿ ನಳೀನ್ ಕುಮಾರ್ ಕಟೀಲ್ ತೆರಿಪಾಯೆರ್.