Last updated on August 15th, 2023 at 06:37 pm
‘ಮೋದಿನ ಕಾಸ್ ಬತ್ತ್‌ದ್ಂಡ್’ ಪಂದ್ ನಂಬಾದ್ ಪಾಪದಕ್ಲೆಡ 7 ಸಾವಿರ ರುಪಾಯಿ ಕಾಸ್ ಲೂಟೊಂದುಪ್ಪುನ ಪ್ರಕರಣ ಉಬಾರ್‌ದ ಸುತ್ತಮುತ್ತ ಕೇಂದ್ ಬರೊಂದುಂಡು. ಮಾತಾ ಪ್ರಕರಣೊಲೆಡ್ಲಾ ವಂಚಕೆ 7 ಸಾವಿರ ರುಪಾಯಿ ಮಾತ್ರ ಲೂಟೊಂದುಪ್ಪುನ ಇಸೇಸ.
ಅಪಗ ಆತೇ ಉಬಾರ್‌ಡ್ ಜಜ್ಜೈ ಮಾರ್ದ್ ಕಾಸ್ ಪತೊಂದು ಬರೊಂದಿತ್ತಿನಾರೆನೊರ್ಯನ್, ಬೈಕ್‌ಡ್ ಬತ್ತಿನ ಜವನೆ ಒರಿ ಉಂತಾದ್, ಯಾನ್ ಈರೆನ ಮಗಲೆನ ಕ್ಲಾಸ್‌ಮೇಟ್, ಕೆನರಾ ಬ್ಯಾಂಕ್ಡ್ ಬೇಲೆಡುಲ್ಲೆ. ಮೋದಿಯೆರ್ ಕೊರೊನಾದ ಪೊರ್ತುಡು ಕಡಪುಡ್ದಿನ ಕಾಸ್ ಬ್ಯಾಂಕ್ಡ್ ಕುರಿಯೊಂದುಂಡು. ಅವೆನ್ ಏರೆನ ಅಕೌಂಟ್‌ಗ್ ಬೋಡಾಂಡಲಾ ಪಾಡೊಲಿ. ಈರ್ ಆಧಾರ್‌ ಕಾಪಿ ಬೊಕ್ಕ ಬ್ಯಾಂಕ್‌ ಪಿಸ್‌ಬುಕ್‌ದ ಕಾಪಿ ಕೊರ್ಲೆ, ಈರೆನ ಅಕೌಂಟ್‌ಗ್ ಕಾಸ್ ಪಾಡುವೆ. ಐಕ್ ಈರ್ ಎಂಕ್ ಕಾಲಿ 7000 ರೂಪಾಯಿ ಕೊರ್ನ್ಡ ಯಾರು ಪಂದ್ ನಂಬಾದೆ. ಆರ್ ಬಜ್ಜೈ ಮಾರ್ದ್ ಬತ್ತಿನ ಕಾಸ್‌ಡ್ 7000 ರುಪಾಯಿ ಆಯಗ್ ಕೊರ್ದು, ಪಾಸ್‌ಬುಕ್‌ದ ಜೆರಾಕ್ಸ್‌ ಕನಯೆರ ಪೋತೆರ್.
ಜೆರಾಕ್ಸ್‌‌ದೊಟ್ಟುಗು ಪಿರಬನ್ನಗ ಬೈಕ್‌ದೊಟ್ಟುಗು ಜವನೆಲಾ ಪದ್ರಾಡಾತೆ. ಇಂಚ ನಟ್ಟ ಬೂರಿನಾರ್ ಪೊಲೀಸೆರೆಗ್ ಒಯಿಲ್ ಕೊರ್ತೆರ್. ಪೊಲೀಸೆರ್ ಪೇಂಟೆದ ಸಿಸಿ ಕೆಮರಾಲೆನ ವೀಡಿಯೋ ಫೂಟೇಜ್ ಗಲಸ್‌ದ್ ವಂಚಕನ್ ಪತ್ತೆರೆ ಪುಣೆವೊಂದುಲ್ಲೆರ್.