Last updated on August 30th, 2023 at 07:27 am
ನೇತ್ರಾವತಿ ಬೊಕ್ಕ ಕುಮಾರಧಾರ ತುದೆಕುಲು ಈಯೊಡು ಮರಿಯಲೊಡೇ ನುಂಗೊಂದಿಪ್ಪುನವು ಬಾರೀ ಮಂಡೆಬೆಚ್ಚೊಗು ನೆವನ ಆತ್ಂಡ್. ಕುಡ್ಲ ಪಟ್ನೊಗು ತುಂಬೆ ಕಟ್ಟದ ನೀರ್ ಸಪ್ಲೈ ಆಪಿನಿ. ಈ ತುಂಬೆಗ್ ನೇತ್ರಾವತಿರ್ದ್ ನೀರ್ ಬರ್ಪಿನಿ ಅಂಚಾದ್ ಇತ್ತೊನೇ ಬಚ್ಚೊಂದಿಪ್ಪುನ ನೇತ್ರಾವತಿ ನನ ದುಂಬುದ ದಿನೊಟು ಬಾರೀ ಬರ ಕನವು ಪನ್ದ್ ಎನ್ನೊಂದುಂಡು.
ಈ ಸಲ ಅರೆಗಲೊರ್ದು ದುಂಬೇ ಬರ ಬರ್ಪಿಲೆಕ್ಕ ಉಂಡು. ಸುಮಾರ್ ಕಡೆಟ್ ತುದೆಟ್ ಕಾಲಿ ಗಂಟ್ ಮುಟ್ಟ ಮಾತ್ರ ನೀರ್ ಉಪ್ಪುನು. ಈ ಪೊರ್ತುಡು ಬರ್ಸೊರ್ದಾವರ ಅಬ್ಬರೊಡು ತುದೆಕುಲು ಪರಪೊಂದಿತ್ತೊಡು. ಜುಲೈಡ್ ಎಡ್ಡೆ ಬರ್ಸ ಬೈದಿತ್ತ್ಂಡಲಾ, ಆಗಸ್ಟ್ ಡ್ ಬರ್ಸ ಬರಂದಿನೆರ್ದಾವರ ನೇತ್ರಾವತಿ ಕುಮಾರಧಾರ ತುದೆಕುಲೆನ ನೀರ್ ಲೆಕ್ಕೊರ್ದು ಜಾಸ್ತಿ ಕಮ್ಮಿ ಆತ್ಂಡ್.