Last updated on August 12th, 2023 at 07:26 pm
ಮಹಾರಾಷ್ಟ್ರೊಡು ಕರಿನ ಒಂಜಿ ವಾರೊಡು ಕ್ವಿಂಟಾಲ್ ನೀರುಳ್ಳಿಗ್ 48% ಬಿಲೆ ಏರ್ತೆ ಆತ್ಂಡ್. ಟೊಮೆಟೋದ ಬಿಲೆ ಒಂಜಿ ಕಡೆತ್ ಕಮ್ಮಿ ಆವೊಂದಿಪ್ಪುನಗ ಇತ್ತೆ ನೀರುಳ್ಳಿದ ಬಿಲೆ ಜಾಸ್ತಿ ಆಪಿಲೆಕ್ಕ ಉಂಡು.
ಆಗಸ್ಟ್ 4ಕ್ಕ್ ಕ್ವಿಂಟಾಲ್ ಗ್ 1,550ರೂ ಇತ್ತಿನವು ಶುಕ್ರಾರ 2,300ರೂ ಆತ್ಂಡ್. ಕರಿನ 8 ತಿಂಗೊಲುಡು ಉಂದೇ ಗರಿಷ್ಟ ಬಿಲೆ ಆದುಂಡು. ಕರಿನ ಡಿಸೆಂಬರ್‌ದ ಅಕೇರಿಗ್ 2,311ರೂ ಇತ್ತ್ಂಡ್.
ನೀರುಳ್ಳಿದ ಬಿಲೆ ಜಾಸ್ತಿ ಆವರೆ, ನೀರುಳ್ಳಿ ಬರೊಂದಿತ್ತಿನ ಕಮ್ಮಿ ಆತಿನವು ನೆವನ ಆದುಂಡು. ದುಂಬು ದಿನೊಕು 20000-25000 ಕ್ವಿಂಟಾಲ್ ಬರೊಂದಿತ್ತಿನ ನೀರುಳ್ಳಿ ಇತ್ತೆ 15,000 ಕ್ವಿಂಟಾಲ್ ಮಾತ್ರ ಬರೊಂದುಂಡು.