Last updated on August 23rd, 2023 at 04:38 pm
ಉಬಾರ್: ಆ 23. ಉಬಾರ್-ಸುಬ್ರಮಣ್ಯ ರಾಜ್ಯ ಪೆರ್ಸಾದಿದ ಪರಗೇಟ್‌ರ್ದ್ ಕೆಮ್ಮಾರ ಕೊಯಿಲ ಮುಟ್ಟದ ಸಾದಿ ಗುಂಡಿ ಬೂರ್ದ್, ಅವೈಜ್ಞಾನಿಕ ಬೊಕ್ಕ ಅಸಮರ್ಪಕ ಬೇಲೆರ್ದಾವರ ಮರಿಯಾರೊಡು ನಡುಸಾದಿಡ್ ನೀರ್ ದಿಂಜೊಂದುಂಡು. ಉ್ಂದೆರ್ದಾವರ ಗಾಡಿಲು ಪೋನಗ ಬಸ್ಸ್‌ಗ್ ಕಾಪುನ ಜೋಕುಲು ಅಂಚೆನೇ ಸಾರ್ವಜನಿಕೆರೆಗ್, ಸಾದಿಬರಿಟಿತ್ತಿನಕಲೆಗ್ ಕೆಸರ್ ನೀರ್ ರಟ್ಟ್‌ದ್ ತೊಂದರೆ ಆವೊಂದುಂಡು. ಆತೆ ಅತ್ತಂದೆ ಶಾಲೆ ಇಪ್ಪುನ, ಜಾಗೆದ ಪುದರ್, ಕಿಲೋಮೀಟರ್, ತಿರ್ಗೆಲ್, ಅಪಘಾತ ವಲಯ ಸೇರ್ದ್ ಒವ್ವೇ ಸೂಚನಾ ಪವಲೆಲು ಇಜ್ಜಂದಿನೆನ್ ಬೊಕ್ಕ ಸಮತ ಚರಂಡಿ ವ್ಯವಸ್ಥೆ ಆವೊಡು ಪಂಡ್‌ದ್ ಪುತ್ತೂರ್ ವಿಧಾನ ಸಭಾ ಕ್ಷೇತ್ರೊದ ಶಾಸಕೆರ್ ಶ್ರೀ ಅಶೋಕ್ ಕುಮಾರ್ ರೈ ಬೊಕ್ಕ ಪುತ್ತೂರು ಅಸಿಸ್ಟೆಂಟ್ ಎಕ್ಸಿಕ್ಯೂಟಿವ್ ಇಂಜಿನಿಯರ್ ಲೋಕೋಪಯೋಗಿ ಇಲಾಖೆಗ್ ಕೆಮ್ಮಾರ ನಾಗರಿಕ ಹಿತರಕ್ಷಣಾ ವೇದಿಕೆ ಕಡೆರ್ದ್ ಬಿನ್ನಪು ಕೊರ್ಯೆರ್.
ಈ ಪೊರ್ತುಡು ಕೆಮ್ಮಾರ ನಾಗರಿಕ ಹಿತರಕ್ಷಣಾ ವೇದಿಕೆ ಗುರ್ಕಾರ್ಲು ಅಝೀಝ್ ಬಿ.ಕೆ, ವಾಮನ ಬರಮೇಲ್, ಪದ್ಮನಾಭ ಶೆಟ್ಟಿ, ಮೋಹನದಾಸ ಶೆಟ್ಟಿ ಬಡಿಲ, ಅಬ್ದುಲ್ ಗಫ್ಫಾರ್ ಕೆಮ್ಮಾರ , ಒತ್ತುಪಾಲ್‌ಡಿತ್ತೆರ್.