Last updated on August 11th, 2023 at 11:26 am
ತೊರತ್ತಲ್‌ದ ಅಂಗನವಾಡಿ ಒಂಜೆಕ್ಕ್ ಜೋಕುಲೆಗ್ ಕೊರ್ಪಿನ ತೆತ್ತಿ ತೆಟ್ಟ್‌ದಿನೆನ್ ತೂದು ಅಲ್ಪದಕುಲು ಪಿಸಿರಾತೆರ್. ಒಂತೆ ತಿಂಗೊಲ್ದ ದುಂಬುಲಾ ಇಂಚಿನವೇ ಒಂಜಿ ನಡಕೆ ನಡದ್ ಮಲ್ಲ ವಿವಾದ ಆದಿತ್ತ್ಂಡ್. ಆ ವಿವಾದೊರ್ದು ಬೊಕ್ಕ ಮಹಿಳಾ ಬೊಕ್ಕ ಜೋಕುಲೆ ಕಲ್ಯಾಣ ಇಲಾಖೆ ಕಾಂಟ್ರಾಕ್ಟರ್‌ನಕಲೆಗ್ ಎಚ್ಚರ್ಗೆ ಕೊರ್ದಿತ್ತೆರ್.
ಉ್ಂದ್ ಪೂರಾ ಆದ್‌ಲಾ ಪರಿಸ್ಥಿತಿ ಸುದರ್ದಿಲೆಕ್ಕ ತೋಜುಜಿ. ಕುಡ ಕಾಟಿಪಲ್ಲದಲ್ಪ ಅಂಗನಾಡಿದ ಜೋಕುಲೆಗ್ ಕೊರ್ರೆ ಬೈದಿನ ತೆತ್ತಿ ತೆಟ್ಟಿನವು ಗುರುವಾರ ಬೊಲ್ಪುಗು ಬೈದ್ಂಡ್.
ಉ್ಂದೆತ ಬಗೆಟ್ ಪಾತೆರಿನ ಶಾಸಕೆ ಭರತ್ ಶೆಟ್ಟಿ ಮೇರ್, ರಾಜ್ಯೊಡು ಸುಮಾರ್ ಕಡೆಟ್ ಇಂಚಿನ ಕೇಸುಲು ಬೊಲ್ಪುಗು ಬೈದ, ಕುರಿದಿನ ತೆತ್ತಿ ಕೊರ್ಪಿನೆರ್ದ್ ಸರಕಾರ ಅಕಲೆಗ್ ಅವೆತ ಪನವು ಕೊರಡ್. ಜೋಕುಲು ಇಲ್ಲಡೇ ಎಡ್ಡೆಂತಿನ ತೆತ್ತಿ ಗೆತೊಂದು ತಿನೊಲಿ ಪನ್ದ್ ಪನ್ಡೆರ್.