Last updated on August 9th, 2023 at 01:27 pm
ಪುತ್ತೂರುದ ಪಿದಯಿ ಬನ್ನೂರು ಗ್ರಾಮದ ಅಡೆಂಚಿನಡ್ಕ-ಕುಂಟ್ಯಾನ ರೋಡುದ ಸದಾಶಿವ ಕಾಲೊನಿ ಜಾಗೊಡು ಸುಮಾರ್ ಪತ್ತೆರ್ದ್ ಲಾ ಜಾಸ್ತಿ ತಾಂಕನೆದ ನಾಯಿಲೆನ್ ಕಣ್ಣ್ ಡ್ ನೆತ್ತೆರ್ ದಾಂತಿಲೆಕ್ಕ ಕೆರ್ದ್ ದಕ್‌ದೆರ್.
ಅಲ್ಪದ ಜನಕುಲು ತಾಂಕ್‌ದಿನ ನಾಯಿಲೇ ಉ್ಂದಾದುಲ್ಲ. ನಾಯಿಲು ಪಿದಯಿ ಅಂಚಿಂಚಿ ಪೋವೊಂದಿಪ್ಪುನಗ ಅಕಲೆಗ್ ವನಸ್‌ಡ್ ಇಜಿಂಡ ನೀರ್‌ಡ್ ಇಸ ಪಾಡ್‌ದ್ ಕೆರ್ತೆರ್.
ಈ ಬಗೆಟ್ ಬೇಗೊಡು ಪ್ರಕರಣ ಪಾಡೊಂದು ತಾಂಕನೆದ ನಾಯಿಲೆನ ಮಾರಣ ಹೋಮ ಮಲ್ದಿನಕಲೆನ್ ಅರೆಸ್ಟ್ ಮಲ್ತ್ ಕ್ರಮ ದೆತೊನೊಡು ಪನ್ದ್ ಸಾಮಾಜಿಕ ಪೊರುಂಬಾಟಗಾರೆರಾಯಿನ ರಾಜೇಶ್ ಬನ್ನೂರು ಬೊಕ್ಕ ಶಶಿಧರ್ ವಿ.ಎನ್ ಪುತ್ತೂರು ನಗರ ಪೋಲೀಸ್ ಸ್ಟೇಷನ್‌ಡ್ ದೂರು ಕೊರ್ತೆರ್.
ಈ ನಾಯಿಲೆನ್ ಏರಾ ಲೆತ್ತ್ ವನಸ್ ಪಾಡುಲೆಕ್ಕ ಅವೆಕ್ ಇಸ ಪಾಡ್ದೆರ್. ಬೊಕ್ಕ ನಾಯಿಲೆನ ಕಾರ್ ಕಟ್‌ದ್ ಗೋನಿಡ್ ದಿಂಜಾದ್ ಅಡೆಂಚಿಲಡ್ಕದ ಕೈತಲ್ ಬಲ್ಲೆಗ್ ದಕ್ಕ್‌ದ್ ಪೋತೆರ್.
ರಡ್ಡ್ ದಿನೊರ್ದು ದುಂಬು ಒರಾನೆ ಮಾತಾ ನಾಯಿಲು ಉಪ್ಪಂದಿನ ತೂದು ಇಲ್ಲದಕುಲು ಒಂಜಿ ದಿನ ಬರ್ಪುಂಡಾ ಪನ್ದ್ ಕಾತ್ ಕಾತ್ ಮನದಾನಿ ನಾಡ್ಯರೆ ಪಿದಡಿಯೆರ್. ತಾದಿದಲ್ಪ ಬಲ್ಲೆಡ್ ವಾಸನೊ ಬರ್ಪಿನ ತೂನಗ ನಾಯಿಲೆನ್ ಕೆರ್ದ್ ಅಲೇಪ ಪಾಡ್ದೆರ್ ಪನ್ದ್ ತೆರಿದ್ ಬೈದ್ಂಡ್.