Last updated on August 13th, 2023 at 08:12 pm
ತುಳುನಾಡ್‌ಡ್ ತುಳುನು ಮೂಜನೇ ಬಾಸೆಯಾದ್ ಕೆಲವು ಶಾಲೆಲೆಡ್ ಕಲ್ಪಾವೊಂದುಲ್ಲೆರ್. ಈ ಟೀಚರ್ನಕಲೆಗ್ ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಗೌರವ ಧನ ಕೊರೊಂದಿತ್ತ್ಂಡ್. ಕರಿನ ಮೂಜಿ ವರ್ಸೊರ್ದಿಂಚಿ ಈ ಟೀಚರ್ನಕಲೆಗ್ ಗೌರವ ಧನ ತಿಕ್ಕ್‌ದ್‌ಜಿ ಪನ್ದ್ ವಿಧಾನ ಪರಿಷತ್ ಸದಸ್ಯೆ ಹರೀಶ್ ಕುಮಾರ್ ಪನ್ಡೆರ್.
2010 ರ್ದಿಂಚಿ ಸರಕಾರ ತುಳುನು ಒಂಜಿ ಬಾಸೆಯಾದ್ ಶಾಲೆಲೆಡ್ ಕಲ್ಪಾವರೆ ಅವಕಾಶ ಕೊರ್ತುಂಡು. ಕರಿನ 12-13 ವರ್ಸೊರ್ದಿಂಟಿ ಏತೋ ಟೀಚರ್ನಕುಲು ತುಳು ಕಲ್ಪಾವರೆ ದುಂಬು ಬೈದೆರ್. ತುಳು ಅಕಾಡೆಮಿ ಮೊಕಲೆಗ್ ತಿಂಗೊಲುಗು 3000 ಲೆಕ್ಕ ಗೌರವಧನ ಕೊರೊಂದಿತ್ತ್ಂಡ್. ಕೋವಿಡ್ ಬತ್ತಿನೆರ್ದ್ ಬೊಕ್ಕ ಟೀಚರ್ನಕಲೆಗ್ ಕೊರ್ಪಿನ ಪನವುನು ಉಂತಾದೆರ್. ಹರೀಶ್ ಕುಮಾರ್ ಮೇರ್ ಕನ್ನಡ ಬೊಕ್ಕ ಸಂಸ್ಕೃತಿ ಸಚಿವೆರೆಗ್ ಓಲೆ ಬರೆದ್ ಆಯಿನಾತ್ ಬೇಗ ಅಕಾಡೆಮಿಗ್ ಕಾಸ್ ಬುಡುಗಡೆ ಮಲ್ಪೊಡು. ಅಕಾಡೆಮಿ ಟೀಚರ್ನಕಲೆಗ್ ಒಟ್ಟು 27.6 ಲಕ್ಷ ರೂಪಾಯಿ ಕೊರ್ರೆ ಉಂಡು. 2020-21 ರ್ದ್ ಬೊಕ್ಕ ಮೊಕಲೆಗ್ ಕೊರೊಡಾಯಿನ ಸಂಬಲ ಕೊರೊಡು ಪನ್ದ್ ಆಗ್ರಹ ಮಲ್ತೆರ್.