Last updated on August 19th, 2023 at 07:12 pm
ಉಬಾರ್ – ಸುಬ್ರಹ್ಮಣ್ಯ ರಾಜ್ಯ ಪೆರ್ಸಾದಿದ ಬರಿಟುಪ್ಪುನ ಬಲ್ಯ ಶ್ರೀ ಉಮಾಮಹೇಶ್ವರ ದೇಲಂತಡೆದ ಪದ್ದೈಬಂಗಾರ್ ಅಂಚೆನೇ ಸಿಸಿ ಕ್ಯಾಮರಾನ್ ಕಂಡ್‌ದಿನ ಪ್ರಕರಣ ಕೋಡೆ ಕಾಂಡೆ ತೆರಿದ್ ಬೈದ್ಂಡ್.
ದೇಲಂತಡೆದ ಬಟ್ರ್ ರವಿಪ್ರಸಾದ್ ಭಟ್ ಕಾಂಡೆ ಬತ್ತ್‌ದ್ ಬಾಕಿಲ್ ದೆಪ್ಪೆರಾನಗ ದೇಲಂತಡೆದ ಎದುರುದ ಬಾಕಿಲ್‌ದ ಚಿಲ್ಕೊನು ಏರೋ ಪುಡತ್‌ದಿನ ತೋಜಿದ್ ಬತ್ತ್‌ದ್ಂಡ್. ಅಂಚಾದ್ ಪರಿಶೀಲನೆ ಮಲ್ತಿನೇ ದೇವೆರೆ ಒರುಕು ಪಾಡ್ದಿತ್ತಿನ ಅಂದಾಜಿ 35000/- ರುಪಾಯಿ ಮೌಲ್ಯೊದ ಬೊಳ್ಳಿ – ಬಂಗಾರ್ ಅಂಚೆನೇ ದೇಲಂತಡೆಗ್ ಪಾಡ್ದಿತ್ತಿನ ಅಂದಾಜಿ 36,000/- ರೂಪಾಯಿ ಮೌಲ್ಯೊದ ಸಿ.ಸಿ ಕ್ಯಾಮರಾದ ಡಿ.ವಿ. ಆರ್. ಹಾರ್ಡ್ ಡಿಸ್ಕ್ ಬೊಕ್ಕ ಟಿ.ವಿ ಮಾನಿಟರ್‌ನ್ ಏರೋ ಕಂಡ್‌ದಿನ ಬೊಲ್ಪುಗ್ ಬೈದ್ಂಡ್. ಈ ಬಗ್ಗೆ ರವಿಪ್ರಸಾದ್ ಭಟ್ ಕೊರ್ತಿನ ಒಯಿಲ್‌ದ ಪ್ರಕಾರ ಕಡಬ ಪೋಲೀಸೆರ್ ಪ್ರಕರಣ ದಾಕಲ್ತೊಂದೆರ್.