Last updated on August 19th, 2023 at 06:02 pm
ಆಟಿದ ದೊಂಬುಗು ಆನೆದ ಬೆರಿ ಪುಡವುಗೆ ಪನ್ಪಿನ ಪಾತೆರದಲೆಕ್ಕ, ಈ ಸಲ ಆಟಿಡ್ ಬರ್ಸ ಬೈದಿನಿ ಮಸ್ತ್ ಕಮ್ಮಿ, ನನ ದಾನೆ ತುದೆ, ಗುವೆಲ್, ಕೆದುಕುಲೆನ ನೀರ್ ಆಜುಂಡು ಪನ್ನಂಗೆ ಕುಡ ಬರ್ಸ ಸುರು ಆದ್ ಒಂತೆ ತುಳುವೆರೆ ಮಂಡೆಬೆಚ್ಚ ಕಮ್ಮಿ ಆಪಿಲೆಕ್ಕ ಆಂಡ್.
ಕೋಡೆ ಬರ್ಸದ ಮೂರಿ ಇತ್ತ್ಂಡಲಾ ಮುಗಲ್ ಕಟ್‌ದ್ ಆತ್ ಬರ್ಸ ಬೈದಿತ್ತಿಜಿ. ಆಂಡ ಇನಿ ಕಾಂಡೆರ್ದ್ ತುಳುನಾಡ್‌ಡ್ ಅವ್ಲಾ ಕಡಲಕರೆತ ಜಾಗೆಲಾಯಿನ ಮುಲ್ಕೆ, ತೊರತ್ತಲ್, ಪಡ್ಡೆದ್ರ, ಒಡಿಪು, ಕುಡ್ಲದಂಚಿ ಕೀರ್ ಕಟ್‌ದ್ ಬರ್ಸ ದೊರಿಯೊಂದುಂಡು. ತುಳುನಾಡ ಬೈಲ್ ಜಾಗೆಲ್ ಅಂಚೆನೆ ಗಟ್ಟದ ಮುದೆಲ್ದ ಜಾಗೆಲೆಡ್ಲಾ ಇನಿ ಎಡ್ಡೆ ಬರ್ಸ ಬರೊಂದುಂಡು. ನನಲಾತ್ ಒಂತೆ ದಿನೊ ಇಂಚೆನೆ ಬರ್ಸ ಉಪ್ಪು ಪನ್ಪಿ ಪ್ರಕಟನೆ ಉಂಡು. ಇಂಚೆನೇ ಕೀರ್ ಕಟ್‌ದ್ ಬರ್ಸ ಬತ್ತ್ಂಡ ಕುಡ ಬೊಲ್ಲಲಾ ಏರು.