Last updated on August 18th, 2023 at 11:38 am
ಪಾಂಡೇಶ್ವರ ಪೊಣ್ಣುಲೊನ ಪೋಲೀಸ್ ಸ್ಟೇಷನ್‌ದಕುಲು ಅಗಸ್ಟ್ 16ಕ್ಕ್ ಅಂಗವಿಕಲ ಪೊಣ್ಣು ಬಾಲೆದ ಮಿತ್ತ್ ಲೈಂಗಿಕ ಶೋಷಣೆ ಮಲ್ತಿನೆಕ್ಕ್ ರಡ್ಡ್ ಜನನ್ ಅರೆಸ್ಟ್ ಮಲ್ತೆರ್.
ಅರೆಸ್ಟ್ ಆಯಿನಕುಲು ಕುಲಶೇಖರದ ಶಮೀನಾ ಬಾನು(22) ಬೊಕ್ಕ ಮುಂಬೈದ ಅಬ್ದುಲ್ ಹಕೀಮ್(37).
ಪೋಲೀಸೆರೆನ ಪ್ರಕಾರ ಆಗಸ್ಟ್ 10ಕ್ಕ್ ಮನ್ಸೂರ್ ಅಹ್ಮದ್ ಶೇಖ್ ತನ್ನ ಪಾಸಾಡಿಲೊನೊಟ್ಟುಗು ಕಾಸ್ರೋಡುರ್ದು ಮುಂಬೈ ಪೋವೊಂದಿಪ್ಪುನಗ ಮಂಜೇಶ್ವರಡ್ ಆಕ್ಸಿಡೆಂಟ್ ಆಂಡ್, ಮೊಕಲೆನ್ ಇಂಡಿಯಾನ ಹಾಸ್ಪಿಟಲ್‌ಡ್ ಅಡ್ಮಿಟ್ ಮಲ್ತೆರ್.
ಮನ್ಸೂರ್ ಅಹ್ಮದ್‌ನ ಪಲಯೆ ಬೊಕ್ಕ ಪಲಯನ ಮಲ್ಲ ಮಗಲ್ ಆಕ್ಸಿಡೆಂಟ್‌ದ ಬಗೆಟ್ ಮಾಯಿತಿ ದೆತೊನರೆ ಮಂಜೇಶ್ವರಗ್ ಬತ್ತಿತ್ತೆರ್ ಅಪಗ ಅಕಲೆನ ಕುಡೊಂಜಿ ಮಗಲ್ ಅಂಗವಿಕಲತೆ ಇತ್ತಿನಲೆನ್ ಮನ್ಸೂರ್ ಅಹ್ಮದ್‌ನ ಬೊಡೆದಿ ಶಮೀನಾ ಬಾನುನಲ್ಪ ಬುಡ್ದ್ ಪೋದಿತ್ತೆರ್.
ಮನ್ಸೂರ್ ಅಹ್ಮದ್‌ನಕುಲು ಅಂಚಿ ಪೋಯಿನೇ ಶಮೀನಾ ಬಾನು ಬೊಕ್ಕ ಅಬ್ದುಲ್ ಹಕೀಮ್ ಆ ಪೊಣ್ಣನ ಎದುರುಡೇ ಲೈಂಗಿಕ ಕ್ರಿಯೆ ಮಲ್ತೊಂದಿತ್ತೆರ್ ಪನ್ದ್ ಆರೋಪ ಉಂಡು. ಅವ್ ಆಯಿಬೊಕ್ಕ ಶಮೀನಾ ಬಾನು ಅಬ್ದುಲ್ ಹಕೀಮ್ ಆ ಪೊಣ್ಣನ ಮಿತ್ತ್ ಲೈಂಗಿಕ ಶೋಷಣೆ ಮಲ್ಪರೆ ಸಕಾಯ ಮಲ್ತೊಲು ಪನ್ದ್ ಆರೋಪ ಉಂಡು. ಪೊಣ್ಣನ ಅಮ್ಮೆರ್ ಮಂಜೇಶ್ವರರ್ದ್ ಪಿರ ಬತ್ತಿನೇ ಆಲ್ ಪೂರಾ ವಿಷಯೊನು ಅರೆಡ ಪನ್ಡೊಲು.
ಪೊಣ್ಣನ ಅಪ್ಪೆ ಪಾಂಡೇಶ್ವರದ ಪೊಣ್ಣುಲೆನ ಪೋಲೀಸ್ ಸ್ಟೇಷನ್‌ಡ್ ಕಂಪ್ಲೇಂಟ್ ಕೊರಿಯೆರ್. ಪೋಲೀಸೆರ್ ಕೇಸ್ ರಿಜಿಸ್ಟರ್ ಮಲ್ತ್ ರಡ್ಡ್ ಆರೋಪಿಲೆನ್ಲಾ ಪತ್ತ್‌ದ್ ಕೋರ್ಟುದ ಎದುರು ಕನದೆರ್.