Last updated on August 8th, 2023 at 04:11 pm
ಕಡಬ: ಕಂಡನ್ಯಗ್ ವಿಷ ಮುಟ್ಟಿನ ಸುದ್ದಿ ಕೇಂಡಿನ ಬೊಡೆದಿ ಹಾರ್ಟ್ ಅಟ್ಯಾಕ್‌ ಆದ್ ತೀರ್ದಿನ ನಡಕೆ ಕಡಬ ತಾಲೂಕ್‌ದ ಕೌಕ್ರಾಡಿ ಗ್ರಾಮೊಡು ನಡತ್‌ದ್ಂಡ್.
ಕೌಕ್ರಾಡಿ ಗ್ರಾಮೊದ ತೋಟ ನಿವಾಸಿ, ಅಂಚೆ ಇಲಾಖೆದ ನಿವೃತ್ತ ಸಿಬ್ಬಂದಿ ಪದ್ಮಯ್ಯ ಗೌಡ್ರೆನ ಬೊಡೆದಿ ದೇವಕಿ(ಸೇಸಮ್ಮ) (60) ತೀರ್ದಿನಾರ್.
ಪದ್ಮಯ್ಯ ಗೌಡ್ರೆಗ್(66.) ಆಗಸ್ಟ್ 5ತಾನಿ ಕಾಂಡೆ 11 ಗಂಟೆದ ಅಂದಾಜಿಗ್ ತನ್ನ ತೋಟೊಡು ಬೇಲೆ ಮನ್ತೊಂದುಪ್ಪುನಗ ವಿಷಜಂತು ಒಂಜಿ ತುಚ್ಚಿದ್ಂಡ್. ಮೇರ್ ಕುಡ್ಲದ ಆಸ್ಪತ್ರೆಗ್ ದಾಕಲಾಗದ್ ಮರ್ದ್ ಮನ್ತೊಂದುಲ್ಲೆರ್. ವಿಷ ಮುಟ್ಟಿನ ತೆರಿದ್ ಪೋಡಿದ್ ಪೋಯಿನ ಆರೆನ ಬೊಡೆದಿ ಅವ್ವೇ ದಿನ ರಾತ್ರೆ 12 ಗಂಟೆದ ಅಂದಾಜಿಗ್ ಹಾರ್ಟ್ ಅಟ್ಯಾಕ್‌ ಆದ್ ತೀರ್ದೆರ್. ತಿಗಲೆ ಬೇನೆ ತೋಜಿದ್ ಬತ್ತಿನೇ ದೇವಕಿಯೆರೆನ್ ಇಲ್ಲದಕುಲು ನೆಲ್ಯಾಡಿದ ಅಶ್ವಿನಿ ಆಸ್ಪತ್ರೆಗ್ ಲೆತೊಂದು ಪೋಯೆರ್ನ್ಂಡಲಾ ಅಡೆ ಎತ್ತೆರಾನಗ ಆರ್ ಜೂವ ಬುಡ್ದಿತ್ತೆರ್. ಬೊಡೆದಿ ತೀರಿನ ತೆರಿದ್ ಆಸ್ಪತ್ರೆಡಿತ್ತಿನ ಪದ್ಮಯ್ಯ ಗೌಡ್ರು ಅರೆನ ಅಂತ್ಯಕ್ರಿಯೆಕ್ ಬತ್ತ್‌ದ್ ಪಿರ ಆಸ್ಪತ್ರೆಗ್ ದಾಕಲಾತೆರ್.