Last updated on August 6th, 2023 at 10:31 pm
ಬರಿತಿಲ್ಲದ ಪೊಂಜೊವು ಒರ್ತಿ ಮೀಯೊಂದಿಪ್ಪುನಗ ಅವೆನ್ ಮೊಬೈಲ್ ಡ್ ರೆಕಾರ್ಡ್ ಮಲ್ತೊಂದಿತ್ತೆ ಪನ್ಪಿ ಆರೋಪೊಡು ಜವನೆ ಒರಿ ಮುಲ್ಕಿ ಪೋಲೀಸ್ ಸ್ಟೇಷನ್‌ಗ್ ಬಿನ್ನೆ ಆತೆ.
ಪಕ್ಷಿಕೆರೆ ಪೊಸಕಾಡ್ ದ 22 ವರ್ಸದ ಸುಮಂತ್ ಪನ್ಪಿನಾಯೆ ತಿಕ್ಕ್‌ದ್ ಬೂರಿನ ಆರೋಪಿ. ಬುದಾರ ರಾತ್ರೆ 11 ಗಂಟೆಗ್ ಈ ನಡಕೆ ನಡತ್, ಕಡೆಸ್‌ದ್ ಬೊಲ್ಪುಗು ಬತ್ತ್ಂಡ್. ಆರೋಪಿ ತನ್ನ ಬರಿತಿಲ್ಲದ ಪೊಂಜೊವು ಮೀಪಿನೆನ್ ವೀಡಿಯೋ ಮಲ್ತೊಂದಿತ್ತೆ ಪನ್ದ್, ಈ ಪೊರ್ತು ಮೊಬೈಲ್ ಕೆಮರಾ ತೂಯಿನ ಪೊಂಜೊವು ಅರಬಾಯಿ ಕೊರಿನ ತೂದು ಅಲ್ಪದಕುಲೇ ಆಯನ್ ಪತ್ತ್‌ದ್ ನೋತೆರ್ಗೆ. ಬೊಕ್ಕ ಪೋಲೀಸೆರೆನ್ ಲೆತ್ತ್‌ದ್ ಅಕಲೆಗ್ ಒಪ್ಯಾದೆರ್. ಐಪಿಸಿ 354ಸಿ ಬೊಕ್ಕ 55ಇ ಪ್ರಕರಣ ಪಾಡ್ದ್ ನ್ಯಾಯಾಂಗ ಬಂಧನೊಗು ಕೊನೊತೆರ್.