Last updated on September 4th, 2023 at 03:43 pm
ಗಾಂಜಾ ಒಯ್ತೊಂದಿತ್ತಿನ ನಾಲ್ ಜನ ಜವನೆರೆನ್ ಪೊಲೀಸೆರ್ ಕೈದ್ ಮಲ್ದಿನ ನಡಕೆ ನಡತ್‌ದ್ಂಡ್. ಉಬಾರ್ ಪೊಲೀಸೆರೆ ಕೊಟ ರಡ್ಡ್ ಬೇತೆಬೇತೆ ಪ್ರಕರಣೊಲೆಡ್ ನಾಲ್ ಜನೊನು ವಶೊಕು ಗೆತೊಂದೆರ್.
ಒಂದು ಪ್ರಕರಣೊಡು ಬುಡೋಳಿ ನಿವಾಸಿ ಸಹ್ಯಾಝ್ ಅಹಮ್ಮದ್ (23) ಬೊಕ್ಕ ಬಿಳಿಯೂರು ಗ್ರಾಮೊದ ಸಲೀಂ ಹುಸೈನ್ ಕೈದಾತಿನ ಆರೋಪಿಲು. ಮೊಕುಲಿರ್ವೆರ್ ಸೆಪ್ಟೆಂಬರ್ 2 ತಾನಿ ಇಳಂತಿಲ ಗ್ರಾಮೊದ ರಿಫಾಯಿನಗರೊದ ಸಾರ್ವಜನಿಕ ಜಾಗೆಡ್ ತನ್ಕುಲೆ ಬೋಡಾಯಿಲೆಕ ಉಪದ್ರ ಮಲ್ತೊಂದು ತಿರ್ಗೊಂದುಪ್ಪುನಗ ಪೊಲೀಸೆರ್ ಮೊಕಲೆನ್ ಪತ್ತ್‌ದ್, ವಿಚಾರಣೆ ಮನ್ಪುನಗ ಗಾಂಜಾ ಒಯ್ತ್‌ದಿನೆನ್ ಒತ್ತೊಂದೆರ್. ವೈದ್ಯಕೀಯ ಪರೀಕ್ಷೆಲಾ ಗಾಂಜಿ ಒಯ್ತಿನೆನ್ ದೃಢ ಮಲ್ದ್ಂಡ್. ಇರ್ವೆರೆನ್ ವಶೊಕು ಗೆತೋಂದಿನ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.
ಕುಡೊಂಜಿ ಪ್ರಕರಣೊಡು ಬೊಲ್ತೇರ್ ತಾಲೂಕ್‌ದ ತೆಕ್ಕಾರ್ ಗ್ರಾಮೊದ ಸರಳಿಕಟ್ಟೆ ಮೂಡಡ್ಕ ಪನ್ಪಿನವುಲು ಪೆರ್ನೆ ನಿವಾಸಿಲಾಯಿನ ಶಫೀಕ್ (24) ಬೊಕ್ಕ ಸಲೀಂ (24) ಪನ್ಪಿನಕುಲು ಅಮಲ್ ಸೊತ್ತು ನಿಂಗ್‌ದ್ ರಾವೊಂದುತ್ತಿನ ತೂದು ಪೊಲೀಸೆರ್ ಅಕಲೆನ್ ಪುತ್ತೂರ್ ಸರಕಾರಿ ಆಸ್ಪತ್ರೆಡ್ ವೈದ್ಯಕೀಯ ಪರೀಕ್ಷೆ ಮನ್ಪಾನಗ ಮೊಕುಲು ಗಾಂಜಾ ಒಯ್ತಿದಿನ ದೃಢ ಆತ್ಂಡ್. ಮೊಕಲೆನ್ ವಶೊಕು ಗೆತೊಂದಿನ ಪೊಲೀಸೆರ್ ಮೊಕಲೆರ್ದ್ ಹೆಚ್ಚಿನ ವಿಚಾರಣೆಗ್ 7.5 ಸಾರದ ರಡ್ಡ್ ಮೊಬೈಲ್‌ಲೆನ್ ವಶ ಮಲ್ತೊಂದು ಪ್ರಕರಣ ದಾಕಲ್ತ್‌ದೆರ್.