Last updated on September 13th, 2023 at 09:59 pm
ತುಳು ಭಾಷೆಡ್ ಇತಿಹಾಸ, ಸಾಹಿತ್ಯ, ಜಾನಪದ ಬಗೆಟ್ ಅಧ್ಯಯನ ಮನ್ಪೆರೆ ಬೋಡಾಯಿನಾತ್ ವಿಷಯೊಲು ಉಲ್ಲ. ತುಳು ಭಾಷೆದ ಬಗೆಟ್ ನನಲಾತ್ ತೆರಿಯೊನೊಡು, ಅಧ್ಯಯನ ಆವೊಡು ಪನ್ಪಿನ ಮಲ್ಲ ಕನ ದೀವೊಂದು ಮಂಗಳೂರು ವಿಶ್ವವಿದ್ಯಾನಿಲಯೊ ಕುಡ್ಲದ ಹಂಪನಕಟ್ಟೆ ಸಂಧ್ಯಾ ಕಾಲೇಜಿಡ್ ಎಂ.ಎ. ಕೋರ್ಸ್ ಸುರು ಮಲ್ದಿತ್ತ್ಂಡ್. ಈ ಸರ್ತಿದ ಎಂ.ಎ. ಕೋರ್ಸ್‌ಗ್ ಗೋಡ್ಯೆರೆ ಅಡ್ಮಿಶನ್ ಸುರುವಾತ್ಂಡ್.
ಇದ ಮುಟ್ಟ 2018ರ್ದ್ ನಾಲ್ ಬ್ಯಾಚ್‌ಡ್ ಸುಮಾರ್ 70 ಜನ ಎಂ.ಎ. ಪದವಿ ಗೆತೊಂದೆರ್.
2023-24 ನೇ ಸಾಲ್‌ಡ್ ಎಂ.ಎ. ಕಲ್ಪೆರೆ ಉಮೇದ್ ಇತ್ತಿನಕುಲು ಇತ್ತೆ ಈ ಕೋರ್ಸ್‌ಗ್ ಗೋಡ್ಯೊಲಿ. ಈ ಕೋರ್ಸ್‌ನ್ ಬೇಲೆದ ನಡುಟುಲಾ ಮಲ್ತೊನೊಲಿ.
ಕಲ್ಪೆರೆ ತಿಕ್ಕುನ ವಿಷಯೊಲು
- ತುಳು ಬಾಸೆದ ಪ್ರಾಚೀನತೆ, ವೈಜ್ಞಾನಿಕ ಇಸೇಸತೆ
- ಪಳಂತುಳು, ತುಳುವ ಸಾಹಿತ್ಯ ಮಾಲೆ, ಮಂದಾರ ರಾಮಾಯಣ, ತುಳು ಹರಿಶ್ಚಂದ್ರ ಕಾವ್ಯ, ಕತೆ-ಕಾದಂಬರಿಲು… ತುಳು ಸಾಹಿತ್ಯ ಬುಳೆಚ್ಚಿಲ್‌ದ ಪೊಲಬು
- ತುಳು ಲಿಪಿತ್ತ ಕಲ್ಪಟಿಗೆ
- ಕಲೆ, ಸಾಹಿತ್ಯ, ವಾಸ್ತುಶಿಲ್ಪದ ಪೊಲಬು
- ಭೌಗೋಳಿಕ, ರಾಜಕೀಯ, ಸಾಂಸ್ಕೃತಿಕ, ಸಾಗರೋತ್ತರ ವ್ಯಾಪಾರ, ವಾಣಿಜ್ಯೊದ ಸಂಗತಿಲು
- ವಿಜಯನಗರ, ಕೆಳದಿ, ಆಳೂಪೆರೆ ಆಲ್ಮೆದ ಇತಿಹಾಸ
- ಚೌಟೆರ್, ಬಂಗೆರ್, ಅಜಿಲೆರ್, ಭೈರರಸೆರ್, ಇಂಚಿತ್ತಿ ತುಳುನಾಡ ಅರಸೆರೆ ಕಾಲೊದ ವೈಭವ
- ಎಸ್.ಯು.ಪಣಿಯಾಡಿಯೆರ್ ತನ್ನಾಲ್ಮೆ ತಿಕ್ಕೆರ ದುಂಬೆ ಪುಣೆತಿನ ದೇಕಿ
- ಕಾರ್ನಾಡ್, ಕುದ್ಮುಲ್, ಕಕ್ಕಿಲ್ಲಾಯೆರ್, ಕಿಲ್ಲೆರ್ ಇಂಚಿತ್ತಿನಕುಲು ಮಲ್ದಿನ ಚಳುವಳದ ರೀತಿ
- ತನ್ನಾಲ್ಮೆದ ಪೊಂರ್ಬಾಟ
- ಮದಪ್ಪೆರಾವಂದಿ ತುಳುವೆರೆ ಕೊರ್ಪುಗೆ
- ದೈವಾರಾಧನೆ, ನಾಗಾರಾಧನೆ, ಮಾರಿ ಆರಾಧನೆ, ಜೀವನಾವರ್ತನ – ವಾರ್ಷಿಕಾವರ್ತನ ಕರಿಪುಲೆನ ಪೊರ್ಲು
- ತುಳುನಾಡ ಗೊಬ್ಬು ನಲಿಕೆಲೆನ ಪೊಲಬು
- ಸಾಗೋಳಿ, ಮೂರ್ತೆಗಾರಿಕೆ, ಕುಂಬಾರಿಕೆ… ತುಳುನಾಡ ಕಸುಬುಲೆ ಪೊಲಬು
- ಪತ್ರಿಕೋದ್ಯಮಗ್ ತುಳುನಾಡ್‌ದ ಕೊರ್ಪುಗೆ
- ತುಳುಟ್ಟು ನಡತಿನ ಸಂಶೋಧನಾತ್ಮಕ ಅಧ್ಯಯನೊಲು
- ರಂಗಕಲೆ ಯಕ್ಷಗಾನ ನಾಟಕ ಸಿನಿಮಾ ಕ್ಷೇತ್ರೊದ ಪರಿಚಯ
ಅರ್ಹತೆ : ಒವ್ವಾಂಡಲ ಪದವಿ ಆದುಪ್ಪೊಡು.
ಅರ್ಜಿ ಪಾಡ್ಯೆರ ಅಕೇರಿದ ದಿನ: ಸೆಪ್ಟೆಂಬರ್ 16, 2023
ಆನ್‌ಲೈನ್‌ಡ್ ಅರ್ಜಿ ಪಾಡ್ಯೆರೆ ಲಿಂಕ್:
https://uucms.karnataka.gov.in/Login/Index
ಒಲವುಗಾದ್ ಮೊಬೈಲ್ ನಂಬ್ರ : 9481270577 ,
9972261201.