Last updated on September 19th, 2023 at 08:03 pm
ಕುಡ್ಲ: ಮಸ್ತ್ ವಿರೋಧೊದ ನಡುಟು ಕಡೆಕ್ಲಾ ಮಂಗಳೂರು ವಿಶ್ವವಿದ್ಯಾಲಯೊದ ಮಂಗಳಾ ಆಡಿಟೋರಿಯಂಡ್ ಗಣಪತಿನ ಒರು ಪ್ರತಿಷ್ಠಾಪನೆ ಮಲ್ದೆರ್.
ವಿಶ್ವವಿದ್ಯಾಲಯೊದ ಸುತ್ತಮುತ್ತ ಅಂಚೆನೇ ಮಂಗಳಾ ಆಡಿಟೋರಿಯಂದ ಉಲಮರ್ಗಿಲ್‌ಡ್ ಡಿಸಿಪಿ ಸಿದ್ದಾರ್ಥ್ ಗೋಯಲ್ ಮುತಾಲಿಕೆಡ್ ಭಾರಿ ಪೊಲೀಸ್ ಬಂದೋಬಸ್ತ್ ಇತ್ತ್ಂಡ್. ಕೆಎಸ್ಆರ್‌ಪಿ ಸೇರ್ದ್ ಎಚ್ಚಿನ ಪೊಲೀಸೆರೆನ್ ಉಂತಾದೆರ್.
ವಿವಿದ ಮಂಗಳಾ ಆಡಿಟೋರಿಯಂಡ್ ಗಣಪತಿ ಪ್ರತಿಷ್ಠೆಗ್ ಭಾರೀ ವಿರೋಧ ತೋಜಿದ್ ಬತ್ತಿತ್ತ್ಂಡ್. ಸಮಾನ ಮನಸ್ಕೆರೆನ ನಿಯೋಗ, ಕಾಂಗ್ರೆಸ್ ಮುಖಂಡೆರ್, ಎನ್ಎಸ್‌ಯುಐ, ಡಿವೈಎಫ್ಐ ಅಂಚೆನೇ ಮಾಜಿ ಸಿಂಡಿಕೇಟ್ ಪದುಕೆರ್ಲಾ ವಿಶ್ವವಿದ್ಯಾಲಯೊದ ಉಪಕುಲಪತಿ ಜಯರಾಜ್ ಅಮೀನ್ ಮೆರೆನ್ ಭೇಟಿಯಾದ್ ವಿಶ್ವವಿದ್ಯಾಲಯೊಗು ಅವೆತವೇ ಆಯಿನ ಗೌರವ ಬೊಕ್ಕ ನೇಮೊಲು ಉಲ್ಲ. ಮುಲ್ಪ ಧಾರ್ಮಿಕ ಆಚರಣೆ ಸಮ ಅತ್ತ್. ಉ್ಂದೆಕ್ ದುಂಬು ವಿಶ್ವವಿದ್ಯಾಲಯೊದ ಹಾಸ್ಟೆಲ್‌ಡ್ ಗಣೇಶೋತ್ಸವ ಕರಿತೊಂದಿತ್ತೆರ್. ಆಂಡ ಇತ್ತೆ ಮಂಗಳ ಆಡಿಟೋರಿಯಂಡೇ ಆವೊಡು ಪನ್ಪಿನ ಸಮ ಅತ್ತ್ ಪಂದ್ ವಿರೋಧ ತೋಜಾದಿತ್ತೆರ್.