Last updated on September 12th, 2023 at 06:59 pm
ಇಂಡಿಯನ್ ಕೌನ್ಸಿಲ್ ಆಫ್ ಅಗ್ರಿಕಲ್ಚರಲ್ ರಿಸರ್ಚ್ ಮಲ್ದಿನ ಲೇಸ್‌ಡ್ ತುಳುನಾಡ್‌ದ ಬೊಲ್ತೇರ್ ಕಿಲ್ಲೂರುದ ಅಮೈ ದೇವರಾವ್ ಮೇರ್ ರಾಷ್ಟ್ರಪತಿ ದ್ರೌಪದಿ ಮುರ್ಮು ಮೆರೆರ್ದ್ ಮಾನಾದಿಗೆ ದೆತೊನ್ಡೆರ್.
ಬೆನ್ನಿಡ್ ಸಾದಕ ಬೈದಿನಕಲೆಗ್ ರಾಷ್ಟ್ರಪತಿಕುಲು ಮಾನಾದಿಗೆ ಮಲ್ದೆರ್, ಅವೆಟ್ ದೇವರಾವ್ ನಮ್ಮ ತುಳುನಾಡ್‌ದಾರ್. ಮೆರೆಗ್ 2019ಡ್ ರಾಜ್ಯ ಸರಕಾರ ರಾಜ್ಯೋತ್ಸವ ಪ್ರಶಸ್ತಿ ಕೊರ್ದಿತ್ತ್ಂಡ್. ಮೇರ್ ತನ್ನ 5 ಎಕರೆ ಜಾಗೊಡು 175ರ್ದ್ ಲಾ ಎಚ್ಚ ಬಾರ್‌ದ ತಳಿಕುಲೆನ್ ಬೆನ್ದ್ ಸಾದಕೊ ಮಲ್ದೆರ್. ವರ್ಸೊಗು ರಡ್ಡ್ ಬುಲೆ ಬೆನ್ದ್, 50 ಕ್ವಿಂಟಾಲ್‌ರ್ದ್‌ಲಾ ಜಾಸ್ತಿ ಪೊಲಿ ಬೆನ್ಪೆರ್. ಒಂಜೇ ಕಂಡೊಡು ಬೇತೆ ಬೇತೆ ಬುಲೆ ಬೆನ್ದ್ ಒವ್ ನೇಜಿ ಒವ್ ಬುಲೆತ ಪನ್ದ್ ಪನ್ಪಿನಾತ್ ಚಾತುರ್ಪು ಇತ್ತಿನಾರ್. ಒವ್ವೇ ರಾಸಾಯನಿಕ ಗೊಬ್ಬರ ಪಾಡಂದೆ ಇಲ್ಲದ ಗೊಬ್ಬರೊಡೇ ಬುಲೆ ದೆತ್ತ್, ಇಲ್ಲಡೇ ಬಾರ್ ನುಂಗಾದ್ ಅರಿ ಮಲ್ಪುವೆರ್. ಮೆರೆನ ಇಲ್ಲಗೇ ಬತ್ತ್ ಜನಕುಲು ಅರಿ ಕೊನೊಪೆರ್.
ಇಂಚಿನ ವಿಶಿಷ್ಟ ಬೆನ್ನಿದ ಬಿರ್ಸೆ ಅಮೈ ದೇವರಾವ್ ಮೆರೆಗ್ ರಾಷ್ಟ್ರಪತಿಕುಲು ಲೆತ್ತ್ ಮಾನಾದಿಗೆ ಮಲ್ತಿನವು ಮಾತಾ ತುಳುವೆರೆಗ್ ಪೆರ್ಮೆದ ಇಸಯೊ.