Last updated on September 15th, 2023 at 06:28 pm
ಕಡಬ ತಾಲೂಕ್‌ದನ ಅಲಂಕಾರು ಕೃಷಿಪತ್ತಿನ ಸಹಕಾರ ಸಂಘೊದ
ಕೊೖಲ ಶಾಖೆಗ್ ಬತ್ತಿನ ಅರಿಟ್ ಬೊರ್ಚಂದಿನ ಸೊತ್ತುಲು ತೋಜಿದ್ ಬೈದ. ಆಲಂಗಾರ್‌
ಡುಪ್ಪುನ ಆಹಾರ ಇಲಾಖೆದ ಗೋಡಾನ್‌ರ್ದ್ ಪ್ಲಾಸ್ಟಿಕ್ ಗೋಣಿಡ್ ದಿಂಜಾದಿನ 300 ಅರಿತ ಗೋಣಿ ಕೊೖಲ ಪಡಿತರ ವಿಭಾಗೊಗು ಸೋಮವಾರ ಬೈದ್ಂಡ್. ಬುಧವಾರ ಕಾಂಡೆ ಪಡಿತರ ಪಟ್ಟೆರ ಗೋಣಿ ಬಿಚ್ಚಾನಗ 4 ಗೋಣಿಲೆಡ್ ಪುಳಿತ ಬಿತ್ತ್, ಪ್ಲಾಸ್ಟಿಕ್ ತೊಟ್ಟೆಡ್ ದಿಂಜಾದಿನ ಕೆಂಪು ಕಲ್ಲ್, ಗೋದಿ ಬೆರಕೆದ ದೇವೆರೆ ಪ್ರಸಾದೊದ ಲೆಕ್ಕಂತಿನ ಸೊತ್ತುಲು ಇಪ್ಪುನ ತೋಜಿದ್ ಬೈದ್ಂಡ್. ಗುರುವಾರ ಕುಡ ಒಂಜಿ ಗೋಣಿಡ್ ಇಂಚಿನನೇ ಸೊತ್ತುಲು ತಿಕ್ಕ್‌ದ.
ಕಡಬ ತಾಲೂಕು ಆಹಾರ ನಿರೀಕ್ಷಕೆ ಶಂಕರ್, ಆಹಾರ ಇಲಾಖೆದ ಗೋಡಾನ್ ವ್ಯವಸ್ಥಾಪಕೆ ಚಂದ್ರಹಾಸೆರ್, ಕಡಬ ಕಂದಾಯ ನಿರೀಕ್ಷಕೆ ಪೃಥ್ವಿರಾಜ್ ಬತ್ತ್‌ದ್ ಪರಿಶೀಲನೆ ಮಲ್ದೆರ್. ಸಹಕಾರ ಸಂಘೊದ ಆಡಳಿತ ಮಂಡಳಿ ಅಧ್ಯಕ್ಷೆ ಧರ್ಮಪಾಲ ರಾವ್, ಉಪಾಧ್ಯಕ್ಷೆ ಪ್ರದೀಪ್ ರೈ ಮನವಳಿಕೆ, ಕೊೖಲ ಶಾಖಾ ವ್ಯವಸ್ಥಾಪಕೆ ಆನಂದ ಗೌಡೆರ್, ರಾಮಕುಂಜ ಗ್ರಾಮ ಪಂಚಾಯತ್‌ದ ಉಪಾಧ್ಯಕ್ಷೆ ಕೇಶವ ಗಾಂಧಿಪೇಟೆ ಈ ಪೊರ್ತುಡು ಇತ್ತೆರ್.
ಕೊೖಲ ನ್ಯಾಯ ಬೆಲೆ ಅಂಗಡಿಗ್ ಬೈದಿನ ಈ ಬೆರಕೆದ ಅರಿನ್ ಪಟ್ಟಂದೆ, ಎಡ್ಡೆ ಗುಣಮಟ್ಟೊದ ಅರಿನ್ ಮಾತ್ರ ಪಟ್ಟೊಡು ಪಂದ್ ಸೂಚನೆ ಕೊರ್ತೆರ್. ಬೆರಕೆದ ಅರಿತ ಗೋಣಿಲೆನ್ ಪಿರ ಕಡಪುಡುವ. ಈ ಬಗೆಟ್ ಮಿತ್ತ್‌ದ ಅಧಿಕಾರಿಲೆಗ್ ತೆರಿಪಾದ್, ವರದಿಲಾ ಕೊರ್ಪ ಪಂದ್ ಕಡಬ ಆಹಾರ ನಿರೀಕ್ಷಕೆ ಎಂ.ಎಲ್ ಶಂಕರ್ ತೆರಿಪಾಯೆರ್.