Last updated on September 1st, 2023 at 09:14 am
ಬೆಂಗಳೂರು : ಬರ್ಪಿ ಲೋಕಸಭಾ ಓಟುಡು ಬಿಜೆಪಿ ಪಕ್ಷೊನು ಸಂಘಟನೆ ಮಲ್ಪುನ ಉದ್ದೇಶೊಡು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿಎಲ್ ಸಂತೋಷ್ ಬೆಂಗಳೂರುಡು ಗುರುವಾರ ಸಭೆ ಮಲ್ತೆರ್.
ಬಿಜೆಪಿರ್ದ್ ಏರ್ಲಾ ಕಾಂಗ್ರೇಸ್‌ಗ್ ಪೋಪುಜೆರ್. 10 ಜನ ಪೋಂಡ ಅವೆಕ್ ಸಮ ಆಪಿನಂಚಿನ ಒರಿಯನ್ ಅಲ್ತ್ ಕನೊಲಿ. ಎನ್ನ ಒಟ್ಟುಗು ಸಂಪರ್ಕೊಡು 40-45 ಜನ ಉಲ್ಲೆರ್. ದೆಲ್ಲಿದಕುಲು ಒತ್ತೊಂಡೆರ್ಡ ಒಂಜಿ ದಿನತ ಬೇಲೆ ಆತೇ, ಆಂಡ ಎಂಕಲೆಗ್ ಇತ್ತೆ ಅಗತ್ಯ ಇಜ್ಜಿ. ಎಂಕುಲು ಇತ್ತೆ ಸರಕಾರ ಮಲ್ಪೊಡುಂದು ಇಜ್ಜಿ ಪನ್ದ್ ಮಲ್ಲೇಶ್ವರಂದ ರಾಜ್ಯ ಬಿಜೆಪಿ ಕಛೇರಿಡ್ ಪನ್ಡೆರ್.
ವಿಧಾನಸಭೆಟ್ ವಿರೋಧ ಪಕ್ಷದ ನಾಯಕ ಸ್ಥಾನ ನನಲ ಆತಿಜಿ ಪನ್ದ್ ಎಂಕ್ ತೆರಿದ್ಂಡ್. ಆಂಡ ಅವೆನೇ ಮಲ್ಲ ಮಲ್ತ್ ಪಾತೆರುನ ಅಗತ್ಯ ದಾದ ಉಂಡು? ಇಲ್ಲಡ್ ಮದ್ಮೆ ಆವಂದಿನ ಮಗಲ್ ಉಲ್ಲೊಲು ಪನ್ದ್ ಅಲೆನ್ ಇಲ್ಲರ್ದ್ ಪಿದಯಿ ಪಾಡರೆ ಆಪುಂಡಾ? ತಡ ಆತಿನ ಏತ್ ಸತ್ಯನಾ ಅಂಚೆನೆ ವಿಪಕ್ಷ ನಾಯಕೆ ನೇಮಕ ಆಪಿನಲಾ ಆತೇ ಸತ್ಯ ಪನ್ದ್ ಆರ್ ಪನ್ಡೆರ್.