Last updated on September 28th, 2023 at 09:16 am
ಉಜ್ಜಯಿನಿ : ಮಧ್ಯಪ್ರದೇಶದ 12 ವರ್ಸದ ಪೊಣ್ಣು ಬಾಲೆದ ಮಿತ್ತ್ ದಾರುಣವಾದ್ ಅತ್ಯಾಚಾರ ಮಲ್ತ್, ಅಲೆನ್ ನಗರದ ದಂಡಿ ಆಶ್ರಮದಲ್ಪ ದಕ್ಕ್‌ದ್ ಪೋದಿತ್ತೆರ್. ಆ ಬಾಲೆ ನೆತ್ತೆರ್ ಜಪುಡಾವೊಂದು ಕುಂಟು ದಾಂತೆ ರೋಡುಡು ನಡತೊಂದು ಪೋಯಿನ ಬಂಜಿ ಪೊತ್ತಾವುನಂಚಿನ ದೃಶ್ಯ ಸಿಲಿಟಿವಿಟ್ ದಾಖಲಾತ್ಂಡ್.
ಆ ಪೊಣ್ಣನ ಮೈಟ್ ಒಂತೆ ಪರಿದಿನ ಕುಂಟು ಮಾತ್ರ ಇತ್ತ್ಂಡ್. ಆಲ್ ಸಾಯ ಕೇನೊಂದು ಅಲ್ಪ ಇಲ್ಲದ ಪಿದಯಿ ಉಂತುದಿತ್ತಿನ ಒಂಜಿ ಅಂಜೊವುಡ ನಟ್ಟ್‌ನಗ ಆಯೆ ಕಂದೋಡಿಲೆಕ್ಕ ಅಲೆನ್ ಅಲ್ಪರ್ದ್ ಗಿಡದೆ.
ಗಂಭೀರ ಸ್ಥಿತಿಟ್ ಇತ್ತಿನ ಪೊಣ್ಣನ್ ಆಸ್ಪತ್ರೆಗ್ ದಾಖಲ್ ಮಲ್ದೆರ್. ಪೊಣ್ಣನ ಮಿತ್ತ್ ಅತ್ಯಾಚಾರ ನಡದಿನವು ವೈದ್ಯಕೀಯ ಪರೀಕ್ಷೆಡ್ ದೃಢ ಆತ್ಂಡ್. ಆತ್ ಗಂಟೆ ಆ ಪೊಣ್ಣು ಕೈ ನೀಡ್‌ದ್ ಸಕಾಯ ಕೇನೊಂದಿಪ್ಪುನಗ ನರೆಲೊಂದಿಪ್ಪುನಗ ಒರಿಲಾ ಸಕಾಯ ಮಲ್ಪಂದಿನವು ಬಾರೀ ಮಲ್ಲ ಅಮಾನವೀಯ ಬೊಕ್ಕ ನಾಚಿಗೆದ ಇಸಯ ಪನ್ದ್ ಎನ್‌ಸಿಪಿಸಿಆರ್‌ದ ಗುರ್ಕಾರೆ ಪ್ರಿಯಾಂಕ್ ಪನ್ಡೆರ್.
ಪ್ರಕರಣ ದಾಖಲ್ ಮಲ್ತೊಂದು ಅಪರಾಧಿಲೊನ್ ಬೇಗ ಪತ್ತರೆ ವಿಶೇಷ ತನಿಖಾ ತಂಡ ರಚಿದೆರ್.