ಬಂಟ ಸಮುದಾಯೊಗು ಮೀಸಲಾತಿದ ಅಗತ್ಯ ಉಂಡು : ಒಡಿಪುದ ಡಿಸಿ ವಿದ್ಯಾ ಕುಮಾರಿ

Last updated on September 20th, 2023 at 01:15 pm

ಕುಡ್ಲ: “ಪೊಣ್ಣು ಜೋಕುಲು ತನ್ಕುಲೆ ಕಾರ್ದ ಮಿತ್ತ್ ಉಂತೊಡು. ತನ್ಕುಲೆ ಚಾತುರ್ಪುನು ಸಮಾಜೊಗು ಎಡ್ಡೆಪ್ಪು ಮಲ್ಪುನ ಲೆಕ್ಕ ಅಲೆಗ್ ವಿದ್ಯಾಭ್ಯಾಸ ತಿಕ್ಕೊಡು. ತನ್ಕುಲೆ ಇಲ್ಲದ ಪೊಣ್ಣುಜೋಕುಲೆಗ್ ಉನ್ನತ ಶಿಕ್ಷಣ ಕೊರಿಯರೆ ಅಪ್ಪೆಮ್ಮೆ ದುಂಬು ಬರೊಡು. ಸರಕಾರಿ ಬೇಲೆಲೆಡ್ ಬಂಟೆರ್ ಕಮ್ಮಿ ಸಂಖ್ಯೆಡುಲ್ಲೆರ್. ಐಎಎಸ್ ಪರೀಕ್ಷೆ ಬರೆಯರೆ ಪಿರಒರಿದಿನ ವರ್ಗೊಲೆನ ಮೀಸಲಾತಿ ಕೇಂದ್ರ ಸರಕಾರೊರ್ದು ಉಂಡು ಆಂಡ ಉಂದು ನಮ್ಮ ಬಂಟ ಸಮುದಾಯೊಗು ಇಜ್ಜಿ. ಉಂದು ಅಗತ್ಯವಾದ್ ಬೋಡು. ಉಂದೆಕಾದ್ ನಮ್ಮ ಬಂಟ ಸಮಾಜ ಪ್ರಾಮಾಣಿಕ ಪುನೆಪು ಬರೊಡು” ಪನ್ದ್ ಒಡಿಪು ಜಿಲ್ಲಾಧಿಕಾರಿ ಡಾ. ವಿದ್ಯಾಕುಮಾರಿ ಮೇರ್ ಪನ್ಡೆರ್.

ಮೇರ್ ಬಂಟರ ಯಾನೆ ನಾಡವೆರೆ ಮಾತೃ ಸಂಘ, ಶ್ರೀ ಸಿದ್ಧಿವಿನಾಯಕ ಪ್ರತಿಷ್ಠಾನ ಅಂಚೆನೆ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಸಮಿತಿದ ಆಶ್ರಯೊಡು ದ.ಕ., ಒಡಿಪು ಅಂಚೆನೆ ಕಾಸ್ರೋಡುದ ಮಾತಾ ಬಂಟೆರೆ ಸಂಘೊಲೆನ ಸಹಭಾಗಿತ್ವಡ್ ಸಾರ್ವಜನಿಕ ಶ್ರೀ ಗಣೇಶೋತ್ಸವ ಲೆಕ್ಕೊಡು ಬಂಟ್ಸ್ ಹಾಸ್ಟೆಲ್ ದ ಓಂಕಾರ‌ ನಗರೊಡು ನಡತಿನ ಗಣೇಶೋತ್ಸವ ಲೇಸ್ ದ ಧಾರ್ಮಿಕ ಸಭೆಟ್ ಮಾನಾದಿಗೆ ದೆತೊನ್ದು ಪಾತೆರಿಯೆರ್.