Last updated on September 9th, 2023 at 03:09 pm
ಬೆರಿ ಬೆರಿ ನಡತಿನ ಎಡ್ತೆಡ್ ವ್ಯಾಗನರ್ ಕಾರ್ ಞಕ್ಕೆ ಆತಿನ ನಡಕೆ ರಾಷ್ಟ್ರೀಯ ಪೆರ್ಸಾದಿ 66ತ ಜೆಪ್ಪುಡು ತೆಂಕಾಯಿ ಕುಡ್ಲ ಸಂಚಾರಿ ಪೊಲೀಸ್ ಸ್ಟೇಶನ್‌ದ ಮುಟ್ಟಡ್ ಇನಿ ನಡತ್‌ದ್ಂಡ್.
ತೊಕ್ಕೊಟ್ಟುದಂಚಿರ್ದ್ ಕುಡ್ಲದಂಚಿ ಬರೊಂದಿತ್ತಿನ ಸಿಯಾಝ್ ಕಾರ್‌ದ ಡ್ರೈವರ್ ಒರಾನೆ ಬ್ರೇಕ್ ಪಾಡ್ದೆರ್. ಉ್ಂದೆರ್ದಾವರ ಪಿರವುಡಿತ್ತಿನ ಲಾರಿ ಸಿಯಾಝ್ ಕಾರ್‌ಗ್ ಪಿರವುರ್ದ್ ಎಡ್ತ್‌ದ್ಂಡ್. ಅವ್ವೇ ಪೊರ್ತುಡು ಲಾರಿದ ಪಿರವುಡಿತ್ತಿನ ವ್ಯಾಗನಾರ್ ಕಾರ್ ಲಾರಿಗ್ ಎಡ್ತ್‌ದ್ಂಡ್.
ಅವ್ವೇ ಪೊರ್ತುಡು ವ್ಯಾಗನರ್ ಕಾರ್‌ದ ಪಿರವುಡಿತ್ತಿನ ಕೇರಳ ಸರ್ಕಾರಿ ಬಸ್ಸ್ ವ್ಯಾಗನಾರ್ ಕಾರ್‌ಗ್ ಎಡ್ತ್‌ದ್ಂಡ್. ಈ ನಡಕೆಡ್ ಲಾರಿ ಬೊಕ್ಕ ಬಸ್ಸ್‌ದ ನಡುಟು ತಿಕಲೊಂದು ವ್ಯಾಗನಾರ್ ಕಾರ್ ಅಲಕ್ಕ ಞಕ್ಕೆ ಆತ್ಂಡ್. ಒರಿನ ಗಾಡಿಲೆನ ಪಿರವುದ ಮೆಯಿಕ್ ಒಂತೆ ಪೆಟ್ಟಾತ್ಂಡ್. ವ್ಯಾಗನಾರ್ ಕಾರ್‌ಡ್ ಡ್ರೈವರ್ ಮಾತ್ರ ಇತ್ತ್‌ದ್, ಕಾರ್ನಿಕೊನಾ ದಾನ್ನ ಪನ್ಪಿಲೆಕ ಬಚಾವಾತೆರ್. ಒರಿನ ಗಾಡಿಲೆಡಿತ್ತಿನ ಐನ್ ಜನೊಕು ಎಲ್ಯೆಲ್ಯ ಗಡಿಕುಲಾತ. ತೆಂಕಾಯಿ ಕುಡ್ಲ ಸಂಚಾರಿ ಸ್ಟೇಷನ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್.