Last updated on September 7th, 2023 at 08:35 am
ಕೇಂದ್ರ ಸರಕಾರ ನಮ್ಮ ದೇಶದ ಪುದರ್‌ ಇಂಡಿಯಾ ಪನ್ಪಿನೆನ್ ಪತ್ತ ದೆತ್ತ್ ಭಾರತ ಪನ್ದ್ ಮಾತ್ರ ಪಗಪುಂಡು ಪನ್ಪಿನವು ಪೂರಾ ಪೊಯಿ ಪಾತೆರೊಲು ಪನ್ದ್ ಕೇಂದ್ರ ಸಚಿವೆ ಅನುರಾಗ್ ಠಾಕೂರ್ ಸ್ಪಷ್ಟ ಮಲ್ತೆರ್.
ಇಂಚೊಗು ‘ಪ್ರೆಸಿಡೆನ್ಸ್ ಆಫ್ ಭಾರತ್’ ಪನ್ಪಿನ ಜಿ20 ಲೆಪ್ಪೋಲೆ‌ರ್ದ್ ಈ ಕಲುಸುದ್ದಿ ಸುರು ಆದಿತ್ತ್ಂಡ್. ಉಂದೆಟ್ ದಾದ ತಪ್ಪು ಉಂಡು ಪನ್ದ್ ಆರ್ ಪ್ರಶ್ನೆ ಮಲ್ತೆರ್. ಉಂದೆರ್ದ್ ದುಂಬುಲಾ ಸುಮಾರ್ ಸಲ ‘ಭಾರತ್ ಸರಕಾರ್’ ಪನ್ದ್ ನಮ ಗಲಸೊಂದಿತ್ತ. ಅಪಗ ಪೂರಾ ಉಪ್ಪಂದಿನ ಸಮಸ್ಯೆ ಇತ್ತೆ ಒಲ್ತು ಬತ್ತಿನಿ ಪನ್ದ್ ಕೇಂಡೆರ್.
ವಿಪಕ್ಷದಕಲೆಗ್ ಭಾರತ ಪನ್ಪಿನ ಪುದರ್‌ದ ಮಿತ್ತ್ ಅಲರ್ಜಿ ಇತ್ತಿಲೆಕ್ಕ ಉಂಡು. ಇತ್ತೆ ಕೆಲವೆರೆಗ್ ಭಾರತ ಪನ್ಡ ಬೇನೆ ಆಪುಂಡು. ಅಕುಲು ವಿದೇಶೊಡು ಕುಲೊಂದು ಭಾರತೊನು ಅವಮಾನ ಮಲ್ತೊಂದುಲ್ಲೆರ್ ಪನ್ದ್ ಪನ್ಡೆರ್.