Last updated on September 26th, 2023 at 02:09 pm
ತಮಿಳ್‌ನಾಡ್‌ಗ್ ಕಾವೇರಿ ನೀರ್ ಬುಡ್ಪಿನೆನ್ ವಿರೋಧಿಸಾದ್ ಇನಿ ಸಂಘ ಸಂಸ್ಥೆಲು ಬೆಂಗಳೂರು ಬಂದ್ ಮಲ್ತ್ ಪ್ರತಿಭಟನೆ ಮಲ್ತೊಂದುಲ್ಲೆರ್. ಪ್ರತಿಭಟನೊ ಮಲ್ಪುನಕಲೆನ್ ತೂವೊನರೆ ಮಸ್ತ್ ಪೋಲೀಸೆರೆನ್ ತರ್ಪಾದೆರ್. ಈ ಪೋಲೀಸೆರೆಗ್ ಕಾಂಡೆದ ತೆನಸ್ ಹೊಟೇಲ್‌ರ್ದ್ ಕನ್ಪಾದಿತ್ತೆರ್. ಆಂಡ ಈ ತೆನಸ್‌ಡ್ ಒಂಜಿ ಸೈದಿನ ಎಲಿ ಇತ್ತ್‌ದ್ ಇತ್ತೆ ಪೋಲೀಸೆರ್ ಪಿಸಿರಾಪಿಲೆಕ್ಕ ಆತ್ಂಡ್.
ಯಶವಂತಪುರತ ಟ್ರಾಫಿಕ್ ಪೋಲೀಸೆರೆಗ್ ಕನ್ಪಾದಿತ್ತಿನ ರೈಸ್ ಬಾತ್‌ಡ್ ಸೈದಿನ ಎಲಿ ಇತ್ತ್ಂಡ್. ಏವೊನ್ ತೂದು ಪೋಲೀಸ್ ಸಿಬ್ಬಂದಿಲು ಗರಂ ಆತೆರ್. ಇಂಚಿನ ವನಸ್ ತಿನ್ದ್ ದಾದಾಂಡಲ ಎಚ್ಚಿ ಕಮ್ಮಿ ಆಂಡ ತೂಪಿನಕುಲು ಏರ್ ಪನ್ದ್ ನೆರಿಯೆರ್. ಖಾಸಗಿ ಹೋಟೇಲ್‌ರ್ದ್ ಕಳಪೆ ಮಟ್ಟದ ವನಸ್ ಕನ್ಪಾದಿನೆಕ್ಕ್ ಮಾತಾ ದಿಕ್ಕ್‌ಡ್ ನೆರಡೆ ಕೇನ್ದ್ ಬರೊಂದುಂಡು. ಈ ವನಸ್ ಒವ್ ಹೊಟೇಲ್‌ರ್ದ್ ಕನದೆರ್ ಪನ್ದ್ ನನಲ ತೆರಿದ್ ಬೈಜಿ.