ಬ್ರಹ್ಮಾವರ : ಬಿಲ್ಲವ ಸಮಾಜ ಸೇವಾ ಸಂಘದ ನಾರಾಯಣಗುರು ಮಂದಿರೊಗು ಕೆಸರ್‌ಕಲ್ಲ್

Last updated on September 18th, 2023 at 09:18 am

ಬ್ರಹ್ಮಾವರ ಬಿಲ್ಲವ ಸಮಾಜ ಸೇವಾ ಸಂಘದ ವತಿರ್ದ್ ನಿರ್ಮಾಣ ಆವೊಂದಿಪ್ಪುನ ಬ್ರಹ್ಮಶ್ರೀ ನಾರಾಯಣ ಗುರು ಮಂದಿರೊಗು ಸೋಲೂರು ಮಠದ ಆರ್ಯ ಈಡಿಗ ಸಮಾಜದ ಪೀಠಾಧಿಪತಿ ಶ್ರೀ ವಿಖ್ಯಾತಾನಂದ ಸ್ವಾಮೀಜಿ ಮೇರ್ ಕೆಸರ್‌ಕಲ್ಲ್ ಪಾಡಿಯೆರ್.

ಈ ಪೊರ್ತುಡು ಇತ್ತಿನ ಶಿಕ್ಷಣ ಸಚಿವೆ ಮಧುಬಂಗಾರಪ್ಪೆರ್ ಪಾತೆರ್ದ್, ನಾರಾಯಣ ಗುರುಕುಲೆನ ಚರಿತ್ರೆನ್ ಪಾಟ ಪುಸ್ತಕೊಡು ಕನೊಡು, ವಿಧಾನಸೌಧೊಡು ನಾರಾಯಣಗುರುಕುಲೆನ ಪ್ರತಿಮೆ ದೀವೊಡು, ನಾರಾಯಣ ಗುರುಕುಲೆನ ಪುದರ್‌ಡ್ ಉಂಡು ಮಲ್ತಿನ ನಿಗಮ ಮಂಡಳಿನ್ ಅನುಷ್ಠಾನೊಗು ಕನೊಡು, ಉಂದೆಕ್ 500 ಕೋಟಿ ದೀವೊಡು ಪನ್ಪಿನ ಬೇಡಿಕೆ ಉಂಡು. ಉಂದೆತ ಬಗೆಟ್ ಮುಖ್ಯಮಂತ್ರಿಲೆಡ ಪಾತೆರ್ದ್ ಅನುದಾನ ಕನಪಿನ ಬೇಲೆ ಮಲ್ಪುವೆ ಪನ್ದ್ ತೆರಿಪಾಯೆರ್.

ಸಂಘದ ಗುರ್ಕಾರೆ ಬಿ.ಎಲ್ ಶಂಕರ ಪೂಜಾರಿ, ಶಾಸಕೆ ಯಶಪಾಲ್ ಸುವರ್ಣ, ನರೇಂದ್ರ ಕುಮಾರ್ ಕೋಟ, ಸುನೀತಾ ಲೋಕನಾಥ್ ನನಲಾತ್ ಜನ ಈ ಪೊರ್ತುಡು ಇತ್ತೆರ್.