Last updated on September 22nd, 2023 at 06:43 am
ʼಕೌನ್ ಬನೇಗಾ ಕರೋಡ್‌ಪತಿʼ ಪನ್ಪಿ ಕಾರ್ಯಕ್ರಮೊದ ಪುದರ್‌ಡ್ ಒರಿ ಪುತ್ತೂರ್‌ದ ಪೊಂಜೊವು ಒರ್ತಿಗ್ 12,93,200 ರೂ. ದಗೆ ಮಲ್ದಿನ ನಡಕೆ ವರದಿಯಾತ್ಂಡ್.
ಪುತ್ತೂರ್ ಚಿಕ್ಕಮುಡ್ನೂರು ಗ್ರಾಮೊದ ನಿವಾಸಿ ಝೀನತ್ ಬಾನು ಕಾಸ್ ಕಲೆವೊನ್ದಿನಾರ್.
2022ನೇ ಮೇ ತಿಂಗೊಲುಡು ಏರೋ ಒರಿ ವಾಟ್ಸಾಪ್ ಕಾಲ್ ಮಲ್ತ್‌ದ್ ‘ಯಾನ್ ಕೌನ್ ಬನೇಗಾ ಕರೋಡ್‌ಪತಿ ಕಾರ್ಯಕ್ರಮೊರ್ದು ಕಾಲ್ ಮಲ್ತೊಂದುಲ್ಲೆ. ಈರ್ 25 ಲಕ್ಷ ರೂ. ಲಾಟರಿ ಗೆಂದ್‌ದರ್. ಆ ಕಾಸ್ ಗೆತೊನ್ರ ತಿರ್ವೆ ಕಟ್ಟೊಡು’ ಪಂದ್ ಪನ್ತೆಂದ್ ಝೀನತ್ ಪೊಲೀಸೆರೆಗ್ ಕೊರ್ತಿನ ಒಯಿಲ್‌ಡ್ ತೆರಿಪಾದೆರ್.
ತನ್ನ ಬೇತೆ ಬೇತೆ ಬ್ಯಾಂಕ್‌ಲೆರ್ದ್ 2022 ಮೇ ರ್ದ್ 2023 ಸೆಪ್ಟೆಂಬರ್ 13 ಮುಟ್ಟ ಆ ಜನ ಸುಮಾರ್ ರೂ. 12,93,200 ಕಾಸ್‌ನ್ ಟ್ರಾನ್ಸ್‌ಫರ್ ಮನ್ಪಾವೊಂದು ದಗೆ ಮಲ್ದೆ ಪಂದ್ ಝೀನತ್ ಪೊಲೀಸೆರೆಗ್ ತೆರಿಪಾದೆರ್.
ಝೀನತ್ ಕೊರ್ತಿನ ಒಯಿಲ್‌ದ ಪ್ರಕಾರ ಐಟಿ ಕಾಯಿದೆ 66(ಡಿ) ಬೊಕ್ಕ ಐಪಿಸಿ ಕಲಂ 417 ಅಂಚೆನೇ 420ದ ಅಡಿಟ್ ಸೌತ್ ಕೆನರಾ ಜಿಲ್ಲಾ ಸೆನ್ ಅಪರಾಧ ಪೊಲೀಸ್ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.