Last updated on September 18th, 2023 at 11:49 am
ಸುಳ್ಯ ಜಯನಗರದ ಪೊಂಜೊವು ಒರ್ತಿಗ್ ಪಿದಯಿ ದೇಶೊಡು ಇಪ್ಪುನ ಕಂಡನೆ ವಾಟ್ಸಪ್‌ ಮೆಸೇಜ್‌ಡೇ ಮೂಜಿ ಸರ್ತಿ ತಲಾಖ್ ಪಂಡ್‌ದ್ ಡಿವೋರ್ಸ್ (ಬರ ಕೊರ್ಪುನ) ಕೊರ್ತಿನ ನಡಕೆ ನಡತ್‌ದ್ಂಡ್.
ಈ ಬಗೆಟ್ ಪೊಂಜೊವು ಸುಳ್ಯ ಪೊಲೀಸ್‌ ಸ್ಟೇಶನ್‌ಗ್ ಕಂಡನ್ಯನ ಮಿತ್ತ್ ಒಯಿಲ್ ಕೊರ್ತೆರ್. ಕೇರಳ ತ್ರಿಶೂರ್‌ ಮೂಲೊದ ಅಬ್ದುಲ್‌ ರಾಶಿದ್ ಪನ್ಪಿನಾಯೆ ಏಳ್ ವರ್ಸಛಗು ದುಂಬು ಸುಳ್ಯ ಜಯನಗರದ ಪೊಣ್ಣನ್ ಮದಿಮೆ ಆದಿತ್ತೆ.
ಮದಿಮೆರ್ದ್ ಬೊಕ್ಕ ಆರೆನ್ ಎಡ್ಡೆಡೇ ತೂವೊಂದಿತ್ತ್‌ದ್, ಈ ಜೋಡಿಗ್ ಇತ್ತೆ ರಡ್ಡ್ ಪೊಣ್ಣು ಜೋಕುಲ್ಲಾ ಉಲ್ಲೆರ್. ರಡ್ಡ್ ವರ್ಸೊಗು ದುಂಬು ಕಂಡನೆ ರಾಶಿದ್ ಬೊಡೆದಿನ್ ತಾನಿತ್ತಿನ ದೇಶೊಗು ಲೆಪುಡಾದಿತ್ತೆ. ಬೊಕ್ಕ ರಡ್ಡನೇ ಬಾಲೆದ ಬಂಜಿನಾಲೆನ್ ಸುಳ್ಯದ ಆರೆನ ಇಲ್ಲಡ್ ಬುಡ್‌ದ್ ಪಿದಯಿ ದೇಶೊಗು ಬೇಲೆಗ್ ಪೋದಿತ್ತೆ.
ಕರಿನ ಆಜಿ ತಿಂಗೊಲುರ್ದ್ ಸಂಸಾರೊಡು ಎಲ್ಯೆಲ್ಯ ಕಿರಿಕಿರಿಲು ಬತ್ತಿತ್ತ್‌ದ್, ಅವೆನ್ ಪೆರಿಯಾಕುಲು ಉಂತುದ್ ಪಾತೆರ್ದ್ ಸಮದಾರಿಕೆ ಮನ್ಪೆರ ತೂದಿತ್ತೆರ್. ಆಂಡ ಉ್ಂದೆನ್ ಒವೆನ್ಲಾ ಕೇನಂದಿನ ಕಂಡನೆ ರಾಶಿದ್, ಬೊಡೆದಿನ ಮೊಬೈಲ್‌ಗ್ ಮೂಜಿ ತಲಾಖ್‌ದ ವಾಟ್ಸಾಪ್‌ ಮೆಸೇಜ್ ಕಡಪುಡ್ದೆ. ಉ್ಂದೆರ್ದಾವರ ಬೆಸರ್ ಮಲ್ತೊಂದಿನ ಪೊಂಜೊವು ಸುಳ್ಯ ಪೊಲೀಸೆರೆಗ್ ತನ್ಕ್ ನ್ಯಾಯ ದೆಪ್ಪಾದ್ ಕೊರೊಡು ಪಂದ್ ಒಯಿಲ್ ಕೊರ್ತೆರ್. ಸುಳ್ಯ ಸ್ಟೇಶನ್‌ಡ್ ಪ್ರಕರಣ ದಾಕಲಾತ್ಂಡ್.