Last updated on September 3rd, 2023 at 07:46 am
ಇನಿ ಬೊಲ್ತೇರ್‌ಡ್ ನಡಪರೆ ಉಪ್ಪುನ ಸೌಜನ್ಯಗ್ ನ್ಯಾಯ ತಿಕ್ಕೊಡು ಪನ್ಪಿನ ಪೊರುಂಬಾಟೊಗು ಎಚ್ಚಿನ ಜನ ಬರ್ಪಿನ ನಿರೀಕ್ಷೆ ಉಪ್ಪುನೆರ್ದಾವರ, ಗಾಡಿಡ್ ಪೋಪಿನಕಲೆಗ್ ಅಡೆ ತಡೆ ಆವು ಪನ್ದ್ ರಾಷ್ಟ್ರೀಯ ಪೆರ್ಸಾದಿ 73ತ್ತ ರೂಟು ಪಗತೆ ಮಲ್ದ್ಂಡ್.
ಬೊಲ್ತೇರ್ ಪೇಂಟೆರ್ದ್ ಪೋಪಿನ ಕಡೂರು-ಬಂಟ್ವಾಳ ಪೆರ್ಸಾದಿಡ್ ಸಂಚರಿಪುನ ಮಾತಾ ಬಂಡಿಲೆನ್ ಕಾಲ್ತೆ 9ರ್ದ್ ಬಯ್ಯ 5ಮುಟ್ಟ ಕೊಯ್ಯೂರು ಕ್ರಾಸ್‌ ರೋಡುದಲ್ಪ ತೆಲಾದ್ ಆದ್ರುಪೆರಾಲ್‌ ರ್ದ್ ಪರಪ್ಪು ಗೇರುಕಟ್ಟೆಯಾದ್ ಕುಡ್ಲದಂಚಿ ಪೋವರೆ ಅಂಚೆನೆ ಕುಡ್ಲರ್ದ್ ಉಜಿರೆದಂಚಿ ಬರ್ಪಿನ ಮಾತಾ ಬಂಡಿಲೆನ್ ಗುರುವಾಯನಕೆರೆದಲ್ಪ, ಉಬಾರ್ ರೋಡು ಆದ್ ಪರಪ್ಪು ಕ್ರಾಸ್‌ಡ್ ಆದ್ರುಪೆರಾಲ್‌ ಆದ್ ಪೋವರೆ ಬೊಕ್ಕ ಒರಿನ ಎಲ್ಯ ಬಂಡಿಲೆನ್ ಚರ್ಚ್‌ ಕ್ರಾಸ್‌ರ್ದ್ ಕನ್ನಾಜೆ, ಪಡ್ಲಾಡಿ, ಲಾೖಲ ಮಾರ್ಗೊಡು ಉಜಿರೆದಂಚಿ ಪೋಪಿಲೆಕ್ಕ ಮಾರ್ಗ ಪಗತ ಪನ್ದ್ ಅಪರ ಜಿಲ್ಲಾಧಿಕಾರಿ ಆದೇಶೊಡು ತೆರಿಪಾದೆರ್.