Last updated on September 26th, 2023 at 02:57 pm
ಕಾಸ್ರೋಡ್: ಕೆಎಸ್‌ಆರ್‌ಟಿಸಿ ಬಸ್ಸ್ ಒಂಜಿ, ಸಾದಿ ಬರಿಟ್ ಉಂತಾದಿತ್ತಿನ ಪಿಕಪ್‌ಗ್ ಎಡ್ತಿನೆರ್ದಾವರ ಪಿಕಪ್ ಡ್ರೈವರ್ ತೀರದ್, ಐಟಿತ್ತಿನ ಕುಡೊರ್ಯಗ್ ಗಾತಿದ ಗಡಿಕುಲಾತಿನ ನಡಕೆ ಸಾರಡ್ಕ ಮುಟ್ಟದ ಅಡ್ಕಸ್ಥಳತಲ್ಪ ನಡತ್‌ದ್ಂಡ್. ಪಿಕಪ್ ಡ್ರೈವರ್ ಮಣಿಯಂಪಾರೆ ನಿವಾಸಿ ಮುಸ್ತಾಫ ಪಿ.ಎ. (38 ವ.) ಪನ್ಪಿನಾರ್ ತೀರ್ದಿನಾರ್. ಪಿಕಪ್ ಗಾಡಿಡಿತ್ತಿನ ಶೇಣಿ ನಿವಾಸಿ ರಾಮಚಂದ್ರ ಪನ್ಪಿನಾರೆಗ್ ಗಾತಿದ ಗಡಿಕುಲಾತ. ಆರೆನ್ ಮರ್ದ್‌ಗ್ ಕಾಸ್ರೋಡ್‌ದ ಆಸ್ಪತ್ರೆಗ್ ದಾಕಲ್ತ್‌ದೆರ್.
ಎದುರುರ್ದ್ ಬರೊಂದಿತ್ತಿನ ಕಾರ್‌ನ್ ತಪ್ಪಾವುನ ಬರಸ್‌ಡ್ ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆದ ಬಸ್ಸ್ ಸಾದಿ ಬರಿಟ್ ಉಂತಾದಿತ್ತಿನ ಕಂಗ್ ದೈ ಕೊನೊಪುನ ಪಿಕಪ್‌ಗ್ ಎಡ್ತ್‌ದ್ಂಡ್. ತರೆಕ್ ಗಾತಿದ ಪೆಟ್ಟಾದಿತ್ತಿನ ಮುಸ್ತಫೆರೆನ್ ವಿಟ್ಲ ಆಸ್ಪತ್ರೆಗ್ ಲೆತೊಂದು ಪೋಯೆರ್ನ್ಂಡಲಾ ಆಸ್ಪತ್ರೆ ಎತ್ತೆರ್ದುಂಬು ಆರ್ ತೀರ್ದೆರ್ ಪಂದ್ ಬೈದ್ಯರು ತೆರಿಪಾದೆರ್. ಈ ಬಗೆಟ್ ಎಚ್ಚಿನ ಒಲವು ನನ ತಿಕ್ಕೊಡಾತೆ.